"სი–ეიჩ–ენი"

„აფხაზეთში და სამაჩაბლოში, სადაც დღეის მდგომარეობით საქართველოს იურისდიქცია არ ვრცელდება, მშვიდობისმყოფელები მთელი ძალისხმევით სამხედრო ბაზების მშენებლობას აწარმოებენ. ამისთვის რუსეთის ბიუჯეტიდან სოლიდური თანხებია გამოყოფილი“ – ეს განცხადება დე–ფაქტო აფხაზეთის სახალხო კრების საპარლამენტო და საგარეო კავშირების კომიტეტის თავჯდომარემ გურამ გუმბამ ნატოს საპარლამენტო ასამბლიის რეზოლუციის განხილვის დროს გააკეთა.

„კავკასიაში მშვიდობას სწორედ რუსეთის ჯარი ინარჩუნებს, რომლებმაც ჩვენი ქვეყნის ჯარისკაცებს უნდა ასწავლონ სახელმწიფო საზღვარების დაცვა – ამისთვის აუცილებელია შესაბამისი სამზედრო ბაზები, მშენებლობაში ჩვენი მეგობარი რუსეთი აქტიურ დახმარებას გვიწევს.’’ – ამბობს გუმბა.

დეპუტატმა ასევე აღნიშნა, რომ ,,რეგიონიდან რუსეთის ჯარების გაყვანა საქართველოს მხრიდან ახალი აგრესიის განხორციელებას ხელს შეუწყობს.“

აფხაზეთის არაღიარებული მთავრობა რომ ცდება ამას ადგილობრივი მოსახლეობაც ამტკიცებს. ისინი ამბობენ, რომ რუსები მხოლოდ სამხედრო, საწვრთნელ ბაზებს არ აშენებენ, ჯარისკაცთა ოჯახის წევრებისთვის მრვალსართულიანი სამოსახლო ნაგებობებიც უკვე წამოიჭიმა.

როდესაც ადგილობრივ მოსახლეობას მივმართეთ კითხვით: – რამდენად ინარჩუნებენ რუსი „სამშვიდობოები“ მშვიდობას ოკუპირებულ ტერიტორიაზე? პასუხად მივიღეთ:

აღსანიშნავია ისიც, რომ ახლო წარსულში რუსეთის დუმაში, ადგილობრივმა ოპოზიციონერებმა გააპროტესტეს ის ხარჯები რაც სახელმწიფომ შესწირა ამ „უაზრო“ – თავმოსაწონებლად აშენებულ ბაზებს.

ყოველივე ამაზე საქართველოს მხარეს ძალიან ირონიული კომენტარი აქვს „რუსებს ყველაფერი დასატოვებელი და გასაქცევი ექნებათ, ხოდა აშენონ, ჩვენ რა?!“

თუმცა ყველასათვის ცნობილია, რომ ეს პროცესი კიდევ უფრო აფერხებს საქართველოს გამთლიანებას, ოკუპირებული ტერიტორიები ხომ ჯერ კიდევ საქართველოს საზღვარს მიღმა რჩება.

გვესაუბრება, სამეგრლო–ზემო სვანეთში პარტია “ჩვენების“ კოორდინატორი ირინე ძაძამია:

პარტიის საქმიანობის მიმართულებები, არის მოსახლეობის ფულად თანხით უზრუნველყოფა - თითოეული მოქალაქის საბანკო ანგარიშზე 1000$ ჩარიცხვა. მოსახლეობის ჩართვა საელმწიფო ფინანსურ და ეკონომიკურ საქმიანობაში. ტერიტორიული მთლიანობის აღდგენა. მცირე და საშვალო ბიზნესის განვითარება. სასამართლო სისტემის სრულყოფა. ჯანდაცვის სისტემის ფეხზე დაყენება. ტრადიციების შენარჩუნება. ანაბრების დაბრუნება.

ჩვენი პარტიის ,,დემოკრატიული განახლება – ჩვენი საქართველო გაბრწყინდება“ (ჩვენები) პროგრამა გთავაზობთ ამ პრობლემის დროულ და ეფექტური გადაჭრის გზებს...

– ჩვენ ხალხისგან ვითხოვთ არჩევნების დროს მხარდაჭერას.

– პარლამენტის შესვლის შემდეგ.

– შესაძლოა.

– ჩვენ გვჯერა ჩვენი ხალხის ნიჭისა და გონიერების.

– დიახ.

– პარტიის სახეებად არიან ნანა ყეინიშვილი და ურუზმაგ ქარქუსოვი.

24 დეკემბერს ზუგდიდელმა მსახიობებმა სცენაზე გადმოიტანეს პოლიკრაპე კაკაბაძის უკდავი პიესა ,,ყვარყვარე თუთაბერი“.

თეატრალური წარმოდგენა თბილისიდან მოწვეულმა რეჟისორმა სოსო ნემსაძემ დადგა. სპექტაკლში მაყურებლის გულის მოგებას შეეცადნენ ახალი და ძველი თაობის მსახიობები.

ვისაც პიესა წაუკითხავს ახსოვს,რომ ყვარყვარე თუთაბერი ერთი უსაქმური კაცი იყო, რომელიც თავს ნაცრის ქექვით იქცევდა. შემთხვევის წყალობით კი თუთაბერი საკუთარი ქალაქის მართველი ხდება. ოქტომბრის რევოლუციის შემდეგ. შემთხვევით რევოლუციონერად მიჩნეული ყვარყვარე ძალაუფლებას ხელში იღებს, საბოლოდ კი იგი ერთი გაუბედურებული ქალის მსხვრეპლი ხდება, რომელსაც ახალმა მთავრობამ მეღლე დაუტასაღა.

მაყურებლის ნაწილმა ჩვენთან საუბრის დროს აღნიშნა, რომ სპექტაკლი ცუდი მართლაც არ იყო, მაგრამ ზუგდიდის თეატრში დადგმული ლეგენდარული სპექტაკლების გვერდით, ისტორიაში ადგილს ვერასდროს დაიკავებს.

„სი–ეიჩ–ენი“ თეატრის მმათველს მაია კალანდიას დაუკავშირდა.

–ეს კომფიდენციალური ინფორმაციაა, ვერაფერს გეტყვით!

–10–11 ათასი ლარი.

–ზუგდიდის მუნიციპალიტეტის გამგეობა...

უცნობია რაიონის თეატერში, კვლავ ასეთი დიდი თანხები დასჭირდება სპექტაკლების დადგმას თუ კულტურულ დაწესებულებას, როგორც საკრებულოში იუწყებიან მალე ახალი და საკუთარი რეჟისირი ეყოლება, მაგრამ ფაქტია ქალაქის ბიუჯეტს როგორც „სი–ეიჩ–ენისთვის“ ცნობილი გახდა რეჟისორ სოსო ნემსაძის დაქირავება ერთ ჯერზე 6–7 ათასი ლარი უჯდება...

გაზიარება

წუხელ, გვიან ღამით გარდაიცვალა პოლიტიკური გაერთიანება ეროვნული ფორუმის წევრი, ეკონომისტი ნიკო ორველაშვილი.

მანამდე კი "სი–ეიჩ–ენი" სააგენტო "Nevs.ru.com"-ზე საინტერესო ფოტოებს გადააწყდა, სადას სამეგრელო–ზემო სვანეთში პრეზიდენტის რწმუნებული ზაზა გოროზია საქართველოდან წარგზავნილ დამკვირვებლებს შორის გარკვევით ჩანს.

"სი–ეიჩ–ენმა" გუბერნატორის პრესცენტრის სამსახურის უფროსს აღნიშნულ ფაქტთან დაკავშირებით კომენტარის გაკეთება სთხოვა. ლალი გელენავა ამბობს, რომ იგი არ ფლობს ოფიციალურ ინფორმაციას რწმუნებულის ადგილსამყოფელთან დაკავშირებით.

"მე ვიცი რომ ზაზა გოროზია ზუგდიდიდან გაემგზავრა თბილისში, ხოლო სად არის ახლა ნამდვილად ვერ გეტყვით, ინფორმაცია არ გამაჩნია".

პრეზიდენტის რწმუნებულის უკრაინაში ყოფნის ფაქტს არც სამეგრელო–ზემო სვანეთის სამხარეო ადმინისტრაციაში ადასტურებენ.

თუ რატომ იმყოფება საიდუმლოდ, საქართველოს ოფიციალური პირი, კიევში დამკვირვებლის სტატუსით, ამ დრომდე გაურკვეველი რჩება.

საქართველოში H1N1 ვირუსით ინფიცირებულთა რაოდენობის მატებასთან ერთად მოთხოვნა მედიკამენტებსა და პირბადეებზე დღითიდღე იზრდება. დაავადებათა კონტროლის ეროვნული ცენტრის მონაცემებით, დღეისათვის ლაბორატორიულად 647 შემთხვევაა დადასტურებული. აქედან 8 მძიმე შემთხვევაა. საშიში ვირუსით 5 ადამიანის გარდაცვალებამ მოსახლეობა პანიკაში ჩააგდო. 

პრემიერ-მინისტრ ნიკა გილაურის განცხადებით, საქართველოში მედიკამენტებისა და პირბადეების საკმარისი მარაგი არსებობს. ჩვენთან საუბრისას ამას ადასტურებს დაავადებათა კონტროლის ეროვნული ცენტრის დირექტორის მოადგილე შოთა ცანავა. თუმცა, ჩვენ ამ ინფორმაციაში ეჭვი შევიტანეთ და ქალაქის აფთიაქებში სპეციალური გამოკითხვა ჩავატარეთ. ექსპერიმენტმა სრულიად განსხვავებული სურათი გვიჩვენა. როგორც ირკვევა, პირბედეების სერიოზული დეფიციტია და პრემიერ-მინისტრი, ფაქტობრივად, იტყუება.

15-16 დეკემბერს თბილისის სხვადასხვა უბანში ჩვენს მიერ გამოკითხული 24 აფთიაქიდან პირბადეები მხოლოდ სამ აფთიაქში აღმოვაჩინეთ. ესენია - აფთიაქი „ჯიპისი“ (აღმაშენებლის 116), მისი პარტნიორი აფთიაქი „წითელი A“ (გლდანის მე-5 მკ/რ-ნი) და აფთიაქი „ნიუ ფარმა“ (გლდანის მე-3 მკ/რ-ნი). ფასი 27-დან 40 თეთრამდე მერყეობს. 

პირბადეების დეფიციტი განსაკუთრებით პრობლემურია „ავერსისა“ და „პეესპეს“ აფთიაქებში, რომლებიც ქალაქში, როგორც წესი, გვერდიგვერდ არის გახსნილი. ჩვენ სრულად წარმოგიდგენთ იმ აფთიაქების სიას, სადაც პირბადეები არ ჰქონდათ.

„ავერსის“ სააფთიაქო ქსელი: ყაზბეგის გამზირი #5; ყაზბეგის გამზირი #8; მეტროსადგური „სამედიცინო ინსტიტუტი“, ხიზანიშვილის ქ #6, მეტროსადგურ „ახმეტელის თეატთან“, გლდანის მე-7 მიკრორაიონი, გუდამაყრის ქუჩა #4; გაგარინის მოედანი.

ყაზბეგის გამზირი #5-ის „ავერსის“ფარმაცევტმა ზურაბ კიკვაძემ გვითხრა: „უკრაინაში არსებული ვითარება რომ აჩვენეს ტელევიზიით და თქვეს, რომ იქ პირბადეებზე მოთხოვნა ძალიან გაიზარდა, შემიძლია ვთქვა, მეორე დღეს ჩვენთან არსებული პირბადეები მთლიანად გაიყიდა. ამჟამად კვლავ დეფიციტია. პირბადეები ბაზაშიც არ არის და ყოველდღე ველოდებით“.

„ავერსის“ ცხელ ხაზზეც დაგვიდასტურეს, რომ ქსელში პირბადეების დეფიციტია. 

სერიოზული დეფიციტია „პეესპეშიც“, კერძოდ, პირბადეები შემდეგ აფთიაქებში არ ჰქონდათ: ყაზბეგის გამზირი #8; ხიზანიშვილის ქ. #6; აღმაშენებლის გამზირი 97; გლდანის მე-7 მიკრორაიონი; გაგარინის მოედანი.

პირბადეები ასევე არ ჰქონდათ: „სახალხო აფთიაქი“ მეტრო „პოლიტექნიკურთან“; 
გლდანის მე-3 მიკრორაიონში, სუპერმარკეტ „მასივში“ არსებული აფთიაქი; გლდანის მე-5 მიკრორაიონში, აფთიაქში 36/6; „ჯიპისი“, ყაზბეგის #10; მეტროსაგური „ახმეტელთან“ სუპერმარკეტი „მარიამი“ - კერძო აფთიაქი.

„ბოლო 2 თვეა, პირბადეებზე მოთხოვნა გაიზარდა. ჩვენთან დიდი ხანია დეფიციტია“, - გვითხრა აფთიაქ „გეას“ (ყაზბეგის გამზირზე # 13) ფარმაცევტმა, ქეთი მაისურაძემ. 

თბილისში პირბადეების დეფიციტი რომ შეიმჩნევა, ფაქტია. მოთხოვნაც არათუ მცირდება, არამედ ყოველდღიურად იზრდება. პირბადეები ძირითადად ჩინეთიდან შემოაქვთ.

ქალაქში არსებულ ვითარებაზე ინფორმაცია მივაწოდეთ დაავადებათა კონტროლის ეროვნული ცენტრის დირექტორის მოადგილეს, შოთა ცანავას და ამ პრობლემაზე კომენტარი ვთხოვეთ. 

„მე კერძო აფთიაქებში არსებულ ვითარებაზე კომენტარს ვერ გავაკეთებ, მაგრამ იმის თქმა კი შემიძლია, რომ ჯანდაცვის სამინისტროს სამედიცინო ცენტრებში მედიკამენტების და პირბადეების საკმარისი რაოდენობაა“, - გვიპასუხა შოთა ცანავამ და დასძინა, რომ შესაბამისად, მოსახლეობამ პირბადეები არა კერძო აფთიაქებში, არამედ სახელმწიფო სამედიცინო დაწესებულებაში უნდა მოიკითხოს.

ჩვენ რამდენიმე პოლიკლინიკაში დავრეკეთ, სადაც გვიპასუხეს, რომ პირბადეები მხოლოდ თანამშრომლებისთვის აქვთ და მოქალაქეებზე კი არ გაიცემა. „მიაკითხეთ აფთიაქებს“, - გვირჩიეს პოლიკლინიკებიდან.

www.Humanrights.ge აგრძელებს ჟურნალისტურ მოკვლევას ამ თემაზე. ახალ ინფორმაციებს უახლოეს დღეებში მოგაწვდით.

ქართული ინტერნეტფორუმები ქართული საზოგადოების მორალის სადარაჯოზე ისეთი მონდომებითა და შემართთებით დგანან, რომ უკვე ეჭვიც კი ჩნდება: არსებობდა კი საქართველკო ინტერნეტფორუმების შექმნამდე? სადაც ინტერნეტფორუმებია, იქვე უნდა ვახსენოთ ფორუმელების მიერ შექმნილი აწ უკვე ლეგენდარული ჭორ-ნიუს სააგენტო: ni2.ge “ნიორელები” ძალ ღონეს არ ზოგავენ, რომ საზოგადოება საკუთარ “სიმართლეში” დაარწმუნონ და უნდა გამოგიტყდეთ, რომ ეს ფრიად კარგად გამოსდით. ამის დასტური “ნიორელების” ბოლოდროინდელი ნაღვაწია, რომლებსაც რა თქმა უნდა დაუზარებლად და უსასყიდლოდ სთავაზობენ სრულიად ქართულ ვებ-საზოგადოებას.

6 ტიპის ”სტატუსი” რომელსაც აუცილებლად წააწყდებით ”
პოპულარულ სოციალურ ქსელში ”ოდნოკლასნიკები,” დაინერგა ე.წ. სტატუსების ფუნქცია. ამ ფუნქციის საშუალებით მომხმარებელი თავის ნააზრევს ან განწყობის შესახებ მოგვითხრობს პატარა “მესიჯების” სახით.

ნი2 წარმოგიდგენთ 6 ტიპის “მესიჯს” ა.კ.ა. ”სტატუსს” რომელსაც აუცილებლად შეხვდებით ”ოდნოებზე.”
6. სხვადასხვა სიმბოლოები (მზანი: უცნობია) სტატუსი: …, X+=§%^¹@, {{{{{{{{{{{{}}}}}}}}}}} და ა.შ.

ამ ტიპის სტატუსებს ძირითადად თინეიჯერები და 25 წლამდე, ”ჯერ ვერ გაზრდილი” ახალგაზრდები იყენებენ. სავარაუდოდ ემოციების გამოხატვას ემსახურება ეს ყველაფერი. მაგალითად წერტილები – ერთგვარი გაბუტვის მანიშნებელია, სავარაუდოდ ამ სტატუსის დაყენებას მოჰყვება ვინმე მეგობარი გოგჩოსგან მოწერილი ”პისმო” ”რა ქჭიიირს?”

მათემატიკური და სხვა ”სჰიფტ+რამერიცხვი” ან გინებაა, ან დაშიფრული მესიჯი. ორივე შემთხვევაში ეს ”სტატუსი” აგრესიას გამოხატავს.

5. სიყვარულის ახსნა (მიზანი: 1. ხალხისთვის იმის ჩვენება რომ შეყვარებული ჰყავს. 2. გარკვეული დილემის შექმნის მცდელობა).
სტატუსი: ნინუცი ძალიან მიყვარხარ :* :* :*

I. ხალხისთვის იმის ჩვენება რომ შეყვარებული ჰყავს.
აღნიშნული სტატუსის მქონე ადამიანები ხშირად რამდენიმე გოგონას ერთად”აბამენ.” ”შებმის” ობიექტები ამ სენტიმენტალურ მესიჯს თავიდანვე ამჩნევენ, მაგრამ ყურადღებას არ ამახვილებენ. რამდენიმე წერილიანი მომოწერის შემდეგ, სავარაუდოდ ასე 5-6, გოგონა ასეთ შეკითხვას აგზავნის: ”ეს ნინუცა ვინაა? შენი დაა თუ დაქალი?” ბიჭი დიდი ყოყმანის შემდეგ, გადაწყვეტს მიწეროს, რომ ეს მისი შეყვარებულია, რომელთანაც ახლა ნაჩხუბარია. ამის შემდეგ ”მესიჯობა” ასე გრძელდება:

გოგონა: ”მერე შეყვრებული თუ გყავს მე რაღაც მწერ? :)))))))))))))(ეს გრძელი ღიმილი თან ლაითი ტონის მიმანიშნებელია, თან გოგონას ოპტიმისტური განწყობის – ეს განწყობა კი შემდეგში გამოიხატება: ა) გოგონა ფიქრობს რომ ბიჭის შეყვარებულზე უკეთესი ნაშაა და სწორედ ამიტომ დაეკონტაქტა მას. ბ)თუ ნაჩხუბარია, იქნებ ახალის შოვნა უნდა?).

ამ შეკითხვაზე ბიჭი ასე პასუხობს: ”:))))) ჰო, მარა ხო იცი არა ქართველი კაცის ამბავი :))))))”
გოგონა: ”ოჰ, რა ხართ ეს კაცები.” ამის შემდეგ მიმოწერა გრძელდება ყველანაირი შეფერხების გარეშე.

II. გარკვეული დილემის შექმნის მცდელობა
ამ შემთხვევაში ბიჭი/გოგო ცდილობს თავისი ”დრუზია” გოგონების ყურადღების მიქცევას. ამ სტატუსის დაყენება მოსალოდნელია თუ მამრს ”დრუზიაში” მინიმუმ 3 ნინუცი/ნინო/ნინჩო ჰყავს. ეს ერთგვარი ხრიკია, რომ მისი რჩეული ნინჩოს ყურადღება მიიქციოს და შემდეგ სიყვარულის ძაფები გააბას, როგორც სპაიდერმენმა ნიუ იორკის მაღალ შენობებზე (ეს პასაჟი მომიტევეთ, ლალი მოროშკინას ლიტერატურული ზეიმის გავლენაა).

4. სხვადასხვა ადგილების შექება (მიზანი: მარიაჟობა, ხალხის მოზიდვა პერსონალურ გვერდზე. შორს მიმავალი მიზნები: გათხოვება/ცოლის მოყვანა, სექსი (ვირტუალური მაინც)).
სტატუსი: მაგარია ფრანქფურტიიიიიიიი! ან მაგარია გურიაააააა! ან აუ ტყიბულში რა დრო ვატარეეეე

ამ სტატუსის დაყენების შემდგ მოსალოდნელია დაინტერესებული მამრის/მდედრის მესიჯი: ”ვააა, მეც ვიყავი ფრანქფურტში, ვისთან იყავი? ჰანსს იცნობ?”
”აუ მეც მაქვს გურიაში სოფელი, მარა ბავშვობის მერე არ ვყოფილვარ, ისე კი აქებენ, მაგრამ სოფელი რაღაც ნიტოა მაინც ხო? მე უფრო შარმელ შეიხი მევასება რა :-)))))”

”ტყიიბული მართლა მაგარია, მე და ჩემი ძმაკაცები ივყავით შარშან, კაი დრო ვატარეთ, მარა მერე იქ ვიღაცეებმა გაგვიტრაკეს და იარაღები დავადეთ რა! აუ ძაღლებს თბილისამდე ძლივს ჩამოვასწარით, დიღმამდე გვზდიეს.”

საუბარი გრძელდება ტკბილი მოგონებების გაცვლა-გამოცვლით და პიკის მიღწევის დროს ერთი მხარე მეორეს იჭერს ტყუილში, თუმცა ეს საერთო მხიარულებას და რომანტიზმს უფრო აძლიერებს და საქართველოს დემოგრაფიული პრობლემის მოგვარებისკენ მიმავალი გზა კვლავ იკაფება.

3. ბრძნული გამონათქვამები (მიზანი: ინტელექტის ზეიმი).
სტატუსი: ”რამე ბრძნული გამონათქვამი,” ”რამე ფრაზა დათა თუთაშხიადან” – ამ ბოლოს აუცილებლად უნდა მიეწეროს: ”მაგარია თუთაშხიაააააა!!!!1111”

ამ ტიპის სტატუსი ძირითადად მამრებს აქვთ. მათ კარგად იციან, რომ ჩვენს დროებაში ინტელექტუალი მამაკაცის ”ოდნოებზე” შოვნა ძალიან ძნელია და შესაბამისად ასეთ ბიჭებს ხშირად ეძებენ, ეკონტაქტებიან და მათგან ბავშვები უნდათ. ყველა დიდი მოთხოვნა იმ კაცებზეა, რომლებსაც ფრაზები ”დათა თუთაშხიადან” აქვთ ამოკრეფილი, ამ შემთხვევაში მდედრმა იცის, რომ შვილის კაცურად გაიზრდება და 10 წლის ასაკში მამა აუცილებლად დააძალებს გამრავლების ტაბულის და ”დათა თუ სახშია?”-ს წაკითხვას.

2. სალამი კაი ბიჭებს (მიზანი: სალამი კაი ბიჭებს, უნებური მიზანი: საკუთარი სიდაუნის გამოვლენა).
სტატუსი: ”ქურდების დრო ჯერ არ წასულა! მგლები მუდამ იცოცხლებენ.”

ასეთი ტიპის პროფილებში საინტერესო არამარტო სტატუსი, არამედ სურათებიცაა. ძირითადად ბანალურ ტანსაცმელში ჩაცმული, ბანალური ტიპები ჭარბობენ, რომელთაც რამე ”ზონოვსკი” და ”ქუჩოვსკი” პოზა უჭირავთ, ხოლო ხელში – დანა.

გაგიკვირდებათ და ამ ტიპის ხალხსაც ჰყავთ თავყვანისმცემლები. როგორც იტყვიან, მაშასადამე, კაცობა ჯერ კიდევ ფასობს.

1. დალოცვა/ლოცვა (მიზანი: დალოცვა/ლოცვა)
სტატუსი: ”უფალო შეგივიწყალენ…” ”ღმერთო დაგვიფარე” და ა.შ.

აქ ვლინდება ადამიანის სათნოება და პატიოსნება. ცხადია ასეთი ტიპის სტატუსების მქონე ადამიანებს ბევრი ”პაკლო” ჰყავთ. მორწმუნე – აპრიორი ნიშნავს კარგს, პატიოსანს, კარგ საყრდენს, კარგ მეოჯახეს. პირველი ”პისმოს” შინაარსი ძირთადად ასეთია ხოლმე: ”რომელ ეკლესიაში დადიხარ? ვინ არის შენი მოძღვარი?”

შემდეგი ეტაპი
”აუუ, ვიცი ეგ მამაო, ძალიან საყვარელი ვინმეა.”
”აუ ხვალ ვერ შემოვალ, წირვაზე მივდივარ და მერე იქიდან დაქალთან.”
”მარხვაზე ხარ? აუ მეც. რა გაძლებს ახალ წელს გოჭის გარეშეეეეეეე? მარა ახლა გავიგე სამარხვო ხალხადეცი ყოფილა სუპერმარკეტებში და ალბათ იმას ვიყიდი.”

ცხადია, ურთიერთობა რომელიც იწყება – ბანალურად ვითარდება. ქორწინებამდე სექსზე არათუ საუბარი, ფიქრიც კი შეუძლებელია. სამაგიეროდ ამ სტატუსის მქონე ახალგაზრდა წარმატებით დადის პროსტიტუებში. მოკლედ ჩვეულებრივი ქართულ-ადნაკლასნიკური სიტუცია. 
”ნანუკა, აბა წავედი მე დასაძინებლად, ღმერთს ებარებოდე! :* ”

კონფლიქტების გაშუქების სკოლა
საქართველოში კონფლიქტების გაშუქების სკოლა გაიხსნა. ინიციატორები «ომისა და მშვიდობის გაშუქების ინსტიტუტი» და თავდაცვის სამინისტროა. დიდი ბრიტანეთის საგარეო საქმეთა სამინისტროს მიერ დაფინანსებული პროექტის პირველი სპეციალიზებული კურსი 6-13 დეკემბერს, ანტონიო ფაგუნდესის სახელობის საჩხერის სამთო მომზადების სკოლაში ჩატარდება.

როგორც ჩვენთან საუბრისას ამ სკოლის დირექტორმა და სამხატვრო ხელმძღვანელმა სკოტ ამუნდსენმა განგვიცხადა, ამ სკოლის კურსდამთავრებულები დღეს წარმატებით მოღვაწეობენ ისეთ საპასუხისმგებლო თანამდებობებზე, როგორებიცაა ნატოს და გაეროს გენერალური მდივნის ასისტენტები, თეთრი სახლის მრავალი მაღალჩინოსანიც ამ სკოლის კურსდამთავრებული ყოფილა.

”ჩვენ ვითვალისწინებთ რა ქართულ რეალობას ვგეგმავთ, რომ სასწავლო კურსი შევცვალოთ და მოვარგოთ იგი ადგილობრივ საჭიროებებს. ასე მაგალითად ჩვენი კურსანტები შეისწავლიან რიტორიკას და მასთან ერთად ე.წ. ”ბაზარს”, რაც მათ მართლაც ბევრი კონფლიქტის მოგვარებაში დაეხმარება შინ თუ გარეთ” – გაგვიმხილა ამუნდსენმა და აქვე დასძინა, რომ სამომავლოდ დაგეგმილია საბრძოლო ხელოვნების შესწავლაც, სადაც შევა ბოთლებით ჩხუბის და ჩანგლების ვენაში გაყრის სპეციალობები, ასევე კონფლიქტების მოგვარების რელიგიური (”მარხვაზე ვარ ჩმდდშვც”) და ეთნიკური (”ქართველები არა ხართ, ბიჭო?”) მოტივები.

პარლამენტი დღეს “საარჩევნო კოდექსში’’ შესატან ცვლილებებზე იმსჯელებს
თბილისი (მომავალში კი ქუთეისი) – საქართველოს პარლამენტი დღეს პირველი მოსმენით განიხილავს “საარჩევნო კოდექსში შესატან ცვლილებებს.” როგორც ჩვენთვის გახდა ცნობილი, ეს ცვლილებები ძირეული და ფუნდამენტური იქნება. არსებობს რამდენიმე პაკეტი, რომლებიც სხვადსხვა ფრაქციებმა თუ დეპუტატებმა შეადგინეს.

ერთ–ერთი პაკეტის ავტორი ჯონდი ბაღათურია და მისი “ქართული დასია.” მათი პროქეტის მიხედვით არჩევნები “არჩევანი-არადანის” პრინციპით უნდა ჩატარდეს; არჩევნებში მონაწილე ყველა სუბიექტი უნდა დადგეს ტრაილ მინდორზე, ხოლო ამომრჩევლები მივიდნენ და მათ გვერდით დადგნენ. ვისაც უფრო მეტი ამომრჩეველი დაუდგება გამარჯვებულიც ის იქნება. “მართალია ეს ძალიან დიდ დროს და ენერგიას წაიღებს, სამაგიეროდ ერთხელ და სამუდამოდ მოეღება ბოლო გაყალბებას, კარუსელებს და ა.შ.” აცხადებს ბაღათურია.

“ქართული დასის” ინიციატივას უმრავლესობის წევრებიც იწონებენ, პარლამენტარი გიგი წერეთელი თვლის, რომ ამ პაკეტის დახვეწვის შემთხვევაში სახეზე გვექნება უნაკლო საარჩევნო სისტემა და რაც ყველაზე მთავარია ეს იქნება პირველად საქართველოში… მსოფლიოშიც. “ჩემი აზრით საჭირო იქნება არჩევნებში მონაწილე სუბიექტებს სხვადსხვა ფერები მივანიჭოთ, ვთქვათ ნაციონალურ მოძრაობას წითელი, ამომრჩევლები ამ ფერის მაისურებს ჩაიცმევენ და ისე მოვლენ თავიანთი ფავორიტის მხარდასაჭერად, ეს კი უფრო გაადვილებს დათვლის პროცესს” აცხადებს წერეთელი.

ქრისტიან დემოკრატების პოზიცია, ქრისტიან დემოკრატთა ვარსკვლავთ ბიჭუნამ, ზაზა გაბუნიამ გააჟღერა: “ჩვენ ვთვლით რომ არჩევანი ღმერთისგან უნდა მოდიოდეს და შესაბამისად პარლამენტიც, საკრებულოც და პრეზიდენტიც ღვთისგან რჩეული ადამიანებისგან უნდა შედგებოდეს.” ცხადია ჩნდება კითხვა, როგორ უნდა მოხდეს ღვთის ნების გამოვლენა

ზაზა გაბუნიას პასუხი ამაზეც აღმოაჩნდა: “ჩვენ დავაყენებთ არჩევნებში მონაწილე სუბიექტებს, ნაკურთხ მტრედს დაიჭერს საარჩევნო კომისიის თავმჯდომარე, რომელსაც დანიშნავს საქართველოს ეკლესია. ეს ადამიანი, ამ მტრედს გაუშვებს და ვისაც ის დააჯდება ის იქნება გამარჯვებული. ცხადია ამ პროცედურამდე ყველა კანდიდატი შემოწმდება და გაიჩხრიკება, ჩვენ ხომ არ გვინდა რომ მტრედი ბატიბუტით ან პურის ნამცეცებით მიიტყუონ?”

ცნობილია რომ ორივე პროექტს საკმაოდ ბევრი მხარდამჭერი ჰყავს და ორივეს დიდი შანსი აქვს გავიდეს. ბევრ მოქალაქეს შეიძლება ეჭვი შეეპაროს ამ ყველაფერში და მიიჩნიოს რომ პარლამენტი არაადეკვატურად იქცევა, თუმცა ჩვენ შეგახსენებთ, რომ ჩვენი პარლამენტი პარლამენტი კი არა, ინელექტის ნამდვილი ზეიმია და აქედან გამომდინარე ყველაფერი კარგად იქნება.

ლალი მოროშკინამ შესაძლოა შალვა რამიშვილის წინააღმდეგ სასამართლოში სარჩელი შეიტანოს
მას შემდეგ, რაც ცნობილმა ტელეწამყვანმა, მარინა სალუქვაძემ, განაცხადა რომ შალვა რამიშვილის გადაცემაში, ”სიმართლის დრო,” დასმული შეკითხვა (”გიფიქრიათ თუ არა მარინა სალუქვაძესთან სექსზე?”) შესაძლოა სასამართლოში ჩივილის საფუძველი გახდეს, იგივე მუქართი გამოვიდა ცნობილი ქართველი მწერალი, პოეტი, საზოგადო მოღვაწე, ქალის ეტალონი და პროფილის ხშირი სტუმარი, ლალი მოროშნიკა. მოროშკინა, სალუქვაძისგან გასხვავებით, რამიშვილს იმის გამო უჩივის რომ ამ უკანასკნელის გადაცემაში ის ჯერ არც ერთხელ არ უხსენებიათ.

”ჩემს გაოცებას და განრისხებას საზღვარი არ ჰქონდა, როცა ვნახე რომ აგერ უკვე მესამე გადაცემაში არ მახსენეს. და ეს ხდება მაშინ, როცა მე XXI საუკუნის ნოდარ დუმბაძეს მიწოდებენ, ისევე როგორც გივი სიხარულიძეს – ჩეხოვს.”

ნი2 დაუკავშირდა შალვა რამიშვილსაც.
რამიშვილი: ლალი მოროშკინაზე ქართულმა საზოგადოებამ თითქმის ყველაფერი იცის და რაც არ იცის, ის ეთერში გასაშვები არაა.
ნი2: და ეთერში გასაშვებად როგორი მასალა მიგაჩნიათ მართებულად?
რამიშვილი: აი ეს! (და ხელს ”სამსონაძეების” პლაკატისკენ იშვერს).

“თავისუფლების ინსტიტუტის” წევრი, თეა თუთბერიძე საგნგებო განცხადება ავრცელებს, განცხადებაში ნათქვამია, რომ მიმდინარე წლის 22 დეკემბერს, საქართველოს საპატრიარქოში დაგეგმილია წმინდა სინოდის კრება, სადაც თუთბერიძის ინფორმაციით, პატრიარქის მამართ დასმულ კითხვებზე ხელმომწერი დეკანოზების; ზაზა თევზაძისა და კახაბერ კურტანიძისადმი დამსჯელი ღონისძიებების გატარება იგეგმება. თეა თუთბერიძის მიერ გავრცელებულ საგანგებო განცხადებას, “ჯეოტოპნიუსი” უცვლელად გთავაზობთ

“მიმდინარე წლის 22 დეკემბერს იმართება საქართველოს მართლმადიდებელი ეკლესიის წმინდა სინოდის კრება. არის ინფორმაცია, რომ საქართველოს საპატრიარქოს მიმართ საზოგადოებაში წლების მანძილზე დაგროვილი კითხვების შემცველ ღია წერილზე ხელის მოწერისათვის დეკანოზების ზაზა თევზაძისა და კახაბერ კურტანიძისადმი წმინდა სინოდის მიერ დამსჯელი ღონისძიებების გატარება იგეგმება.

ეს იქნება არამარტო სრულიად უკანონო რეპრესია ამ ორი მღვდელმსახურისა, არამედ წერილზე ხელისმომწერი დანარჩენი 233 ადამიანის და მთელი ქართული საზოგადოების შეურაცხყოფა.

აქედან გამომდინარე, ვფიქრობთ რომ საჭიროა სინოდის კრების გამართვამდე მივმართოდ სინოდს ოფიციალურად. შემუშავდა ერთგვერდიანი მიმართვის ტექსტი. აღნიშნული ტექსტის გაგზავნა საპატრიარქოში მოხდება ორშაბათს, სინოდის კრების წინა დღეს. ვფიქრობთ, კარგი იქნება მიმართვის ტექსტი ჟურნალისტებისათვის და საზოგადოებისათვისაც მედიის საშუალებით გახდეს ცნობილი.

ამიტომ, ორშაბათს, 2009 წლის 21 დეკემბერს, 14.00 სთ-ზე გაიმართება პრეს-კონფერენცია არტ კაფეში (მის: ორბელიანის ქ. 31. ყოფილი ამერიკის საკონსულოს ტერიტორია, კოლმეურნეობის მოედანზე). პრესკონფერენციაზე მოხდება მიმართვის წაკითხვა.

გთხოვთ მობრძანდეთ. ასევე ვთხოვოთ ეს ინფორმაცია მიაწოდოთ იმ ადამიანებს, ვინც ჩვენი თანამოაზრეები არიან ამ კუთხით და ვიცით რომ ეს საკითხი აღელვებს და ვთხოვოთ მობრძანება. ალბათ ჟურნალისტები ინტერვიუებსაც აიღებენ და ამაზედაც იქნებ იფიქროთ. დამატებითი ინფორმაციისათვის შეგიძლიათ დამირეკოთ ნომერზე: 899 627367

P.S. ვისაც სურვილი გაქვთ გაეცნოთ აღნიშნული მიმართვის ტექსტს, შევძლებ ხვალ გადმოგიგზავნოთ თუ მომწერთ თქვენს მეილებს. ტექსტი დარედაქტირებას ვთხოვ ვინმეს და. ასევე მოვიფიქროთ თუ ვინ წაიკითხავს მიმართვას.

[პატივისცემით; თეა თუთბერიძე, gtn]

19 დეკემბერს, 16:00 საათზე, ქუთაისში, ავტოქარხნის დასახლებაში საშინელი აფეთქების ხმა გაისმა. იმავდროულად გავრცელდა ინფორმაცია, რომ აფეთქებას მსხვერპლი მოჰყვა: თავის ქალის მრავლობითი დაზიანებების შედეგად ადგილზე დაიღუპა 11 წლის ნინო ჯინჭარაძე. ამას გარდა, მრავლობითი ჭრილობებით საავადმყოფოში გადაიყვანეს დედამისი – ეკა ცუცხვაშვილი-ჯინჭარაძისა და მათ მეზობლად მცხოვრები ირაკლი ჯინჭარაძე. სხეულის დაზიანებები მიიღო კიდევ რამდენიმე ადამიანმა, რომლებსაც სასწრაფო დახმარების ბრიგადებმა ადგილზე აღმოუჩინეს დახმარება.

ქუთაისში, ირაკლი აბაშიძის გამზირზე მდებარე “გამარჯვების მემორიალის” დემონტაჟი მოულოდნელად 12 დეკემბერს დაიწყო. მაშინვე დემონტაჟზე დასაქმებულმა მუშებმა ჩვენთან საუბარში განაცხადეს, რომ საბოლოოდ მემორიალი 21 დეკემბერს, პრეზიდენტის დაბადების დღეზე აფეთქდებოდა. ამ ინფორმაციის გავრცელების შემდეგ ქუთაისში 21 დეკემბრისთვის ფართომასშტაბიანი საპროტესტო აქცია დაიგეგმა, რომელშიც მონაწილეობა უნდა მიეღოთ როგორც პოლიტიკური პარტიების წარმომადგენლებს, ისე არასამთავრობო ორგანიზაციებს, შემოქმედებით კავშირებს და საზოგადოების სხვა ფენებს. ამის თაობაზე ოპოზიციის წარმომადგენლებმა 18 დეკემბერს გამოაცხადეს მერიის წინ გამართულ საპროტესტო აქციაზე. როგორც ჩანს, საპროტესტო აქციის თავიდან აცილების მცდელობას უნდა მიეწეროს ის ფაქტი, რომ ხელისუფლებამ ძეგლის აფეთქების პროცედურა დააჩქარა და განზრახვის სისრულეში მოსაყვანად ნიკოლოზობის დღესასწაული აარჩია (სხვათაშორის ამ დღეს პრეზიდენტის უმცროსი ვაჟის დაბადების დღეა).
ავტოქარხნის დასახლებაში სამართალდამცავები 19 დეკემბერს, დაახლოებით 14:00 საათზე გამოჩნდნენ. ისინი აფრთხილებდნენ მემორიალის მიმდებარე ტერიტორიაზე მცხოვრებ მოსახლეობას, რომ მათ სასწრაფოდ დაეცალათ საცხოვრებელი სახლები. 16:00 საათზე შპს “საქფეთქმრეწვმა” 27 მეტრიანი ბეტონის კონსტრუქცია (რაც “გამარჯვების მემორიალის” ერთკვირიანი დემონტაჟის შედეგად დარჩა) ააფეთქა. აფეთქებისას ბეტონის ნამსხვრევები რამდენიმე ასეული მეტრის მოშორებით, საცხოვრებელი სახლების მიმართულებით გადაცვივდა. სწორედ ამან გამოიწვია იქ მცხოვრები მოსახლეობის დაშავება და მსხვერპლი.
“ევაკუაცია რომ დაიწყეს, გამოგვიყვანეს ბინიდან, აფეთქება მოხდებაო და გამოვედით გარეთ – ქუჩაში, მოგვაშორეს ბინას და გავრბოდით “ბარაკებისკენ”. ამ დროს მოხდა აფეთქება. ეს საწყლები, ეზოში ყოფილან, სახლთან და ბავშვს ქვა მოხვედრია თავში და დაიღუპა. კმაყოფილია ახლა ჩვენი მთავრობა? რა ენაღვლებათ მაგათ? მაგათი შვილები არ მომკვდარან და! ეს არის მავნებლობა, რას აშავებდა ის ძეგლი იქ?” – აცხადებენ თვითმხილველები.
“მე ქალაქიდან მოვედი იმ წუთში და პოლიცია არ მიშვებდა სახლში, ვიფიქრე რაღაც ნივთებს მაინც გამოვიტან-მეთქი სახლიდან. ამ დროს მოხდა აფეთქება და რომ მივედი ადგილზე, დასისხლიანებული ხალხი ეყარა ძირს, თურმე ჩემი მეუღლეც იქ ყოფილა,” – ამბობს დაშავებული ირაკლი ჯინჭარაძის მეუღლე.
“შვილი მომიკლეს, ხალხო, ვაიმე, რა მეშველება?” – შველას ითხოვდა გარდაცვლილის მამა სოსო ჯინჭარაძე, რომელიც შემთხვევის ადგილზე მოგვიანებით მივიდა.
დაშავებულები სასწრაფო დახმარების ბრიგადებმა თავდაპირველად ავტოქარხნის საავადმყოფოში გადაიყვანეს, ხოლო მოგვიანებით – დასავლეთ საქართველოს ინტერვენციული მედიცინის ეროვნულ ცენტრში. ნინო ჯინჭარაძე კი ბავშვთა საავადმყოფოში იქნა გადაყვანილი, თუმცა მისი გადარჩენა ვეღარ მოხერხდა.

ვინ გასცა 19 დეკემბერს ძეგლის აფეთქების ბრძანება? – ამ კითხვაზე პასუხი ამ დრომდე არ არსებობს. ქუთაისის თვითმმართველობის წარმომადგენლებმა (საკრებულოს წევრებმა და მერიის თანამშრომლებმა) ჩვენთან საუბარში განაცხადეს, რომ მათ ამის თაობაზე არაფერი იცოდნენ და ინფორმაციის მისაღებად სამხარეო ადმინისტრაციისკენ გადაგვამისამართეს. ჩვენ რამდენჯერმე ვცადეთ ტელეფონით დაკავშირება იმერეთის გუბერნატორთან მიხეილ ჩოგოვაძესთან, თუმცა მან სატელეფონო ზარებს არ უპასუხა. ამის შემდეგ დავუკავშირდით გუბერნატორის ადმინისტრაციის ადმინისტრაციული სამსახურის უფროსს ზეინაბ ხაჩიძეს, რომელმაც განგვიცხადა, რომ დედაქალაქში იმყოფებოდა და მომხდარის თაობაზე ინფორმაციას არ ფლობდა. დედაქალაქში იმყოფებოდა გუბერნატორის პირველი მოადგილე ლაშა კილაძეც. შესაბამისად, უცნობია, თუ ვინ დაიქირავა ძეგლის ასაფეთქებლად თბილისური კომპანია “საქფეთქმრეწვი”. საქართველოს მთავარმა პროკურორმა მურთაზ ზოდელავამ იმავე დღეს საგანგებო პრესკონფერენციაზე განაცხადა, რომ აღნიშნული ფირმა ქუთაისის მუნიციპალიტეტის დაკვეთით ასრულებდა აფეთქებით სამუშაოს. მისივე განმარტებით, მომხდართან დაკავშირებით აღიძრა სისხლის სამართლის საქმე. წინასწარი ინფორმაციით, ასაფეთქებელი სამუშაოებისას დაშვებული იქნა შეცდომა, რამაც გამოიწვია მსხვერპლი.

[მაია მეცხვარიშვილი “ახალი გაზეთი”]

შეიქმნა ახალი ბლოგი, რომელიც ქართული და უცხოური ინტერნეტ მედიის ყველაზე საინტერესო სტატიების დაიჯესტს გთავაზობთ. ბლოგის შემქმნელია შპს "საგამომცემლო სახლი ღია ბოქლომი". ბლოგზე აგრეთვე შეგიძლიათ გაეცნოთ მიუკერძოებელ ახალ ამბებს და ანონსებს. "დაიჯესტი" წარმოგიდგენთ ვიდეოსიახლეებსა და ხარისხიანი ფოტოების დიდ გალერეას. ესტუმრეთ ჩვენს ახალ ინტერნეტ გვერდს ყოველდღიურად! გმადლობთ თანამშრომლობისთვის.

ზუგდიდში, სადაც ადგილობრივი ჩინოვნიკები ყოველ საღამოს ქალაქის ცნობილ რესტორანში იკრიბებიან, 10 ნოემბერს მნიშვნელოვანი ინციდენტი მოხდა. რაიონის გამგებელი ალქსანდრე ქობალია და გუბერნატორ გოროზიას პირველი მოადგილე ალექსანდრე ახვლედიანი პოლიციის უფროსის გიორგი ნინუას "მსხვერპლი"” გახდნენ. ჩხუბში, რომელიც დაახლოებით ღამის 11 საათზე რესტორან "დიარონში" მოხდა სამეგრელო-ზემო სვანეთის პოლიციის უფროსი თენგიზ გუნავა და ძალოვანი სტრუქტურის მაღალჩინოსნებიც მონაწილეობდნენ. ნადიმის მიზეზი კი რაგინდ გასაკვირიც არ უნდა იყოს საბჭოთა მილიციის დღე იყო, რომელიც ალიკას რესტორანში მუნიციპალიტეტის ხარჯებით დაფინანსდა. გაურკვეველი მიზეზით დაწყებული შელაპარაკება ხელჩართულ ჩხუბში რომ გადაიზარდა ამას "დიარონის" თანამშრომლები და "დაიცავი საქართველოს" წევრებიც არ მალავენ, რომლებმაც მომხდარი საკუთარი ოფისიდან კარგად დაინახეს.

"საღამოს დაახლოებით 50 ადამიანი შემოვიდა, ალბათ რაღაცას აღნიშნავდნენ, სტუმრებს შორის იყვნენ ზუგდიდის პოლიტიკური ელიტის წარმომადგენლები. 2 საათის შემდეგ რამოდენიმე მათგანი გარეთ გავიდა და იქ რა მოხდა ვერ გეტყვით...”_ ამბობენ "დიარონის" თანამშრომლები. ცნობილი მიზეზის გამო ნამდვილად არ გაგვკვირვებია მათგან ასეთი თავშეკავებული და მოკლე პასუხი. 

"დაიცავი საქართველოს" წევრი საშა მოლაშხია კი 10 ნოემბრის ასე იხსენებს:
"ჩვენი ოფისი რესტორანის წინ მდებარეობს. კარგად დავინახეთ, შენობიდან, როგორ გამოვიდა პიროვნება, რომელიც ძალიან მივამსგავსეთ ზუგდიდის რაიონული პოლიციეს უფროსს გიორგი ნინუას. ეს გაცხარებული ადამიანი თენგიზ გუნავას ავტომანქანასთან დადგა და დაიწყო მთელი ხმით ყვირილი: “გამოდი ალიკა ქობალია შე ყ..ეო!, შენი დედა მოვ...!” აგრეთვე აგინებდა და ლანძღავდა გუბერნატორის მოადგილე ალექსანდრე ახვლედიანს – “გაიჯეჟილეთ ზუგდიდიში თქვენი დედა ..., მთელმა ქალაქმა უნდა გაიგოს როგორი ყ..ეები ხართ-ო”. სამხარე ოპოლიციის უფროსი გუნავა ეხვეწებოდა გაჩუმდი თავს ვეღარ აკონტროლებ, მთელი ქალაქი გაიგებსო. მიუხედავად ამისა ის იგივეს განაგრძობდა: მოვკლავ მაგათიო დაიძახა და კვლავ რესტორანის შენობაში შევარდა. იქიდან კი ქალების ყვირილის ხმა ისმოდა. აგრეთვე დავინახეთ თუ როგორ აყენებდა შეურაცყოფას თენგიზ გუნავას, არ გრცხვენია ამათ აქ პარპაშის უფლებას, რომ აძლევო. ურტყამდა და ეუბნებოდა გამომიყვანე ეგენი უნდა დავასახიჩრო-ო, ამის შემდეგ პოლიციის და გამგებლის ავტომანქანას ამტვრევდა. 1 საათის მერე, გიორგი ნინუა დიდი ხვეწნით ჩააჯინეს სამხარეო პოლიციეს მანქანაში (IhI- 301) და იქაურობას მოაცილეს.

ჩვენ ვთვლით, რომ ეს ხალხი არ არის ღირსი იყვნენ თანამდებობაზე. ქობალია არის სუფრის ვირთხაა.. ნინუას წასვლიდან ერთი საათის შემდეგ თვალჩალურჯებული გამოვიდა.."

პოლიციის უფროსმა ინტერვიუზე უარი მხოლოდ იმიტომ გვითხრა, რომ თურმე ჩვენი რედაქცია არ მოსწონს...

-გამარჯობათ ბატონო გიორგი, ილია ჩაჩიბაია გაწუხებთ "ასავალ დასავალიდან"...
-გსმენთ!

-იქნებ გვითხრათ რა მოხდა 10 ნოემბერს რესტორან "დიარონში"?

-თქვენ ახლა მისვამთ პროვოკაციულ შეკითხვას!!!

-რატომ გინდოდათ ქობალიას და ახვლედიანის დასახიჩრება, ძალიან ბევრი დალიეთ?

-თქვენ არასწორი ინფორმაცია გაქვთ.

-იქნებ "სწორი ინფორმაცია" თავად მოგვაწოდოთ.

- ... ინტყრიგანები ხართ! (ყურმილინ დაკიდა).

ზუგდიდის მუნიციპალიტეტის გამგებელი ალექსანდრე ქობალიამ, კი რომელსაც მანქანის ქვეშ ცოტახნის წინ ქლი შეუძვრა, კომენტარზე უარი განგვიცხადა. გუბერნატორის მოადგილესთან დაკავშირება კი ვერ მოხერხდა.

დაპირისპირების არსებობას არ უარყოფს, გამგეობის თანამშრომელი ლევან მესხია, თუმცა ჩვენთან საუბრისას აღნიშნავს, რომ რესტორანიდან შედარებით ადრე წამოვიდ და ინციდენტში მონაწილე არ გამხდარა.

გავრცელებული ინფორმაციით პოლიციაში ალექსანდრე ქონალიას და გიორგი ნინუას ინტერესები გადაიკვეთა, დაპირისპირების მიზეზიც ეს გახდა. გამგებელს და გუბერნატორის მოაგილეს "მილიციის დღეს" გამართულ თავყრილობაზე გავლენების გადანაწილებაზე საუბარი თვალის ჩალურჯებად და სახალხოდ დამცირებად დაუჯდათ.
დათო სორდია: "სახეზეც ეტყობოდა, რომ პოლიციის მაღალჩინოსანი იყო. აბა სხვა ვინ გაბედავდა რაც მან ჰკადრა: ალიკა ქობალიას, ალიკა ახვლედიანს და თენგიზ გუნავას? იმ კაცმა სამხრეო პოლიციის უფროსსაც ისეთი მჯიღი ჰკრა, რომ შებარბაცდა. ჩანდა, რომ მისი გუნავასაც ერიდებოდა. ჩვენ დაახლოებით ოცი მეტრიდან ვაკვირდებოდით ამ ყველაფერს... კარგად დავინახეთ ისიც, რომ ჩინოვნიკები ალკოჰოლური ნივთიერების ზემოქმედების ქვეშ იყვნენ. და ბარბაცებდნენ, ერთმანეთს ურტყამდნენ და ხანდახან არაადეკვატურად იცინოდნენ. 

როგორც გავიგეთ, რესტორანში წაკამათდდნენ და პოლიციელებმა ალიკას თვისში „ჩანკალი“ ესროლეს, ამ ფაქტმა გუბერნატორის პირველი მოადგილეც გააღიზიანა. კამათი გინებაში გადაიზარდა, რესტორანის თანამშრომლებს უთქვამთ, გარეთ გაბრძანდით აქ თქვენს გარდა სხვებიც არიანო...

10 ნოემბერს, კომუნისტების მმართველობის პერიოდში აღინიშნებოდა საბჭოთა მილიციის დღე, მე ვფიქრობ, პირველ რიგში სამარცხვინოა ის ფაქტია, რომ ქართველმა სამართალდამხცავებმა თავიანთი გაუნაათლებლობით საბჭოთა მილიციელებისადმი პატივისცემა გამოხატეს, ან განსხვავდებიან კი მათგან?!. მიმაჩნია, რომ ისინი არ არიან ღირსი ქართველებად იწოდებოდნენ. ბრიყვები და თანამდებობისთვის შეუფერებელი პირები მართავენ დღეს სამეგრელოს და საქართველოს!“

მომხდარის შეფასება სამერელო–ზემო სვანეთში პრეზიდენტის რწმუნებულს ზაზა გოროზიას ვთხოვეთ.

-ბატონო ზაზა, რას გვეტყვით 10 ნოემბრის ინციდენტზე?

-რას გულისხმობთ?

-ნუთუ არ იცით საბჭოტა მილიციის დღეს თქვენმა მოადგილემ, გამგებელმა და პოლიციის უფროსმა, ერთმანეთს რომ დასცხეს?

-პირველად მესმის, ნამდვილად არაფერი გამიგია თორემ კომენტარზე უარს არ გეტყვოდით. გაკვირვებული ვარ.

-რატომ დაუპირისპირდნენ ერთმანეთს თქვენი ქვეშევრდომები?

-მაპატიეთ შეხვედრაზე ვარ... (ყურმილი დაკიდა)

გოროზიამ როგორც ჩანს ნამდვილად არაფერი იცოდა მისი ხელქვეითების სისხლიან ღრეობაზე თორემ, 18 აგვისტოს პრესიდენტ სააკაშვილის ზუგდიდიში ვიზიტის დროს მოწყობილ ქეიფზე, რომელიც, ისევ რესტორან "დიარონში" გაიმართა ქობალიასთან, ნინუასთან, ახვლედიანთან და გუნავასთან ერთად პურს არ გატეხდა. უთავმოყვარეო ზუგდიდის გამგებელმა კი სულაც არ ითაკილა სუფრას შს-ს იმ ჩინოვნიკებთან ერთად შემოსკუპებოდა, რომლებმაც რამოდენიმე დღის წინ საქვეყნოდ თავი მოსჭრეს.

[ილია ჩაჩიბაია, "ასავალ დასავალი"]

 ქართველი დიზაინერის მარიკა კორკელიას პროექტი „მშვიდობის პოდიუმი ენგურის ხიდზე“ ორგანიზაცია „ორიენტ გლობალის“ „მსოფლიო მშვიდობის პრემიაზე“ ერთერთი მთავარი პრიზისთვის იბრძოლებს. დაჯილდოების ცერემონიალი 25 ნოემბერს დიდ ბრიტანეთში, ლონდონის სახელგანთქმულ მუზეუმში გაიმართება, რომელსაც ევროპის 5 ქვეყნის პრეზიდენტებიც დაესწრებიან. ზუგდიდის მუნიციპალიტეტის მიერ განხორციელებული პროექტი ასი ქვეყნის ათას თხუთმეტი პროექტიდან შეირჩა და ხუთ ფინალისტს შორის მოხვდა, ის წარდგენილია ნომინაციაში „საუკეთესო ახალგაზრდული აქცია“. პროექტი ზუგდიდის მუნიციპალიტეტის ფინანსური დახმარებით განხორციელდა. პროექტის ავტორი მარიკა კორკელია ამბობს, რომ მისთვის ასეთი მასშტაბის წარმატება მოულოდნელი იყო. მისი თქმით, მსგავსი აქციის ჩატარების იდეით სამოდელო სააგენტოს თავად აფხაზეთიდან დევნილმა ბავშვებმა მიმართეს, რომლებიც მოდელობაზე ოცნებობდნენ. დიზაინერმა კი მშვიდობის თემაზე სპეციალური საბავშვო ტანსაცმელი შექმნა და დევნილ ბავშვებს საჩუქრად გადასცა. როგორც მარიკა კორკელია ამბობს, ბრიტანეთში მოპოვებული წარმატება სწორედ ამ ბავშვების დამსახურებაა. 

აქცია, რომელიც მსოფლიოს ყურადღების ცენტრში მოექცა, ენგურის ხიდზე 1 ივნისს, ბავშვთა დაცვის საერთაშორისო დღეს გაიმართა. ზუგდიდელმა დიზაინერმა მარიკა კორკელიამ აფხაზეთიდან დევნილი პატარა მოდელებისთვის აფხაზეთის საზღვართან სიმბოლური პოდიუმი გამართა მოწოდებით - "ჩვენ ვირჩევთ-მშვიდობას"!

სწორედ ასეთი ფორმით მიულოცეს მაშინ პატარა მოდელებმა აფხაზ თანატოლებს ბავშვთა დაცვის საერთაშორისო დღე, შერიგებისა და ურთიერთობებში წინ გადადგმული ნაბიჯის ნიშნად ბავშვებმა სპეციალური საღებავით თეთრ პოდიუმზე ფერადი ნაკვალევი დატოვეს. ღონისძიების დასრულების შემდეგ კი, აფხაზეთის ეგრეთწოდებულ ადმინისტრაციულ საზღვართან, ცაში მშვიდობის მტრედები გაუშვეს, რომლებსაც აქციის მონაწილეებმა აფხაზურ ენაზე დაწერილი სურვილები გაატანეს. 

„კეთილი სურვილები და ოცნებები ყოველთვის სრულდება. მთავარია გულით გჯეროდეს წარმატების“-ამბობს დიზაინერი მარიკა კორკელია.

ოთხმოცი წლის იუბილარი, ევგენი პრიმაკოვი, როგორც მხილველები ამბობენ, დაბნეული იღიმებოდა იმ ”გეოპოლიტიკურ - კავკასიური მისიის” გამო, რომელიც მოულოდნელად დააკისრეს. პუტინის პროქართული ტირადა იმდენად მოულოდნელი და ამავე დროს ”პროგრამული” აღმოჩნდა, რომ იქ მყოფნიც და კომენტატორ-ანალიტიკოსებიც, ინტერპრეტაციის მორევში გადაეშვნენ.

- ”ძალიან კარგად მესმის, რომ რასაც ახლა ვიტყვი, დარბაზის გარეთ გავა, უფრო მეტიც მე ამის იმედი მაქვს”, - თქვა პუტინმა, - ”საქართველოს გაერთიანება გადაწყვეტადია, ეს საკითხი ჩვენ შეგვიძლია გადავჭრათ. აი ევგენი პრიმაკოვი დაკავდეს ამით”.

რუსული მმართველობის სისტემის პირობებში, ლიდერის ასეთი ფრაზა, როგორც წესი, თითქმის დანიშვნის ტოლფასია, თანაც საგანგებო უფლებებით, - მოხუცი პრიმაკოვის გაკვირვების მიზეზიც ეს გახდა.

პრემიერის ”სადღეგრძელომ” ისტერიკამდე მისული აღფრთოვანება გამოიწვია დარბაზში. ატყდა სატელეფონო რეკვები, ”პუტინმა თქვა - დაგიბრუნებთოოო...” ზეიმობდნენ ქართველები და პროქართველები, დაიზაფრა და დაიბნა რუსული პოლიტელიტისა და მედიის ”დერჟავნიკული” ნაწილი.

ის ნაწილი კი, რომელიც თავს პიარ -ტექნოლოგიებში უფრო გარკვეულად თვლის, ამტკიცებს, რომ ამით პუტინმა ყველას გასაგონად თქვა, რომ კავკასიის სადავეები ხელში აქვს და ”უნდა ჩამოაჭრის და უნდა გააერთიანებს”.

არის კიდევ ”სუპერდერჟავნიკული”, პუტინის ხიბლის ქვეშ მყოფი და საბჭოეთზე ნოსტალგიით შეპყრობილი რუსული ელიტა, რომელიც ”ნაციის ლიდერის” სიტყვებში საბჭოთა იმპერიის აღდგენის გეგმებს ხედავს, სადაც ნომინალურად ”ერთიანი საქართველო” იქნება წარმოდგენილი.

საინტერესო ისაა, რომ ქართული სამთავრობო ტელევიზიების სიუჟეტებში, სწორედ ეს ბოლო ინტერპრეტაცია დომინირებდა. ამას მარტივი მიზეზი აქვს - კულუარებში გავრცელებული მოსაზრება, რომ პუტინი მზადაა, საქართველოს გაერთიანება კონფედერაციის სახით მაინც დაუშვას, ნეიტრალიტეტისა და სააკაშვილის გადადგომის პირობით, სახელისუფლო მედიისათვის, განხილვასაც არ ექვემდებარება.

პუტინის ”პროქართული სადღეგრძელოს” ფესვებში რომ გავერკვეთ, იუბილეზე სტუმართა შემადგენლობას და სიუჟეტის განვითარებას უნდა მივადევნოთ თვალი:

მაშ ასე, ”საერთაშორისო ვაჭრობის ცენტრი”-ს საბანკეტო დარბაზი, რუსული პოლიტიკის ერთ-ერთი მძიმეწონოსანის, ევგენი პრიმაკოვის 80 წლის იუბილე... პრიმაკოვი ყოველთვის სენტიმენტებით საუბრობს ხოლმე თავის თბილისურ წარსულზე და საქართველოს სიყვარულზე. მისი დედა, თბილისელი სომხის - არუთინოვის ქალი იყო, პირველი ცოლი კი ქართველი ჰყავდა.

სტუმართა შორის აშკარად ქართველი და ქართული ძირების მქონე ცნობილი სახეები სჭარბობდნენ, იყვნენ სტუმრებიც საქართველოდან. ”საპატიონი” - ქართველი დედის შვილი, - რუსეთის ყოფილი საგარეო საქმეთა მინისტრი, იგორ ივანოვი, ახლანდელი - სერგეი ლავროვი, რომლის ნამდვილი გვარი კალანტაროვია და მისი მამაც თბილისის მოქალაქე იყო; ოლიგარქი - შალვა ბრეუსი;

აკადემიკოსი ვიქტორ გელოვანი, რუსი ჟურნალისტების შეფასებით, ფანტასტიკურად ლამაზი მეუღლით, ანჯაფარიძის ქალით; ასევე, ზურაბ წერეთელი, თამარ გვერწითელი, ნანი ბრეგვაძე ... სუფრას კი ხელმძღვანელობდა პრიმაკოვის დიდი ხნის მეგობარი, მოსკოვის მთავარი კარდიოლოგი, დავით იოსელიანი.

პრემიერი პუტინი იუბილეზე საათნახევრის დაგვიანებით მივიდა და ადგილი იუბილარსა და თამადას შორის დაიკავა. ”სუფთა ლიტერატურული” დეტალი - მთელი საღამოს განმავლობაში, თამადა იოსელიანი პუტინს ”ქვეყნის პირველ პირად” მოიხსენიებდა და არც ადრესატისაგან და რა თქმა უნდა, არც დამსწრეთაგან ეს არავის გაუპროტესტებია.

”პროქართული სადღეგრძელოს” პრელუდიად პუტინის პირველი სადღეგრძელო უნდა განვიხილოთ - ”რუსეთის ისტორიაში ბევრი სისხლიანი ფურცელია, მაგრამ ისინი ”პრიმაკოვების” მეცადინეობით მთავრდება ხოლმე”, - განაცხადა პუტინმა. პრიმაკოვმაც ალავერდი მიიღო და საპასუხოდ, პრემიერს ”რუსეთის მხსნელი” უწოდა.

საინტერესოა, რომ როგორც რუსული პრესა წერს, ამის შემდეგ პუტინმა გულით მოილხინა, ”შებახუსდა” და პრიმაკოვის ”ქართული ნოსტალგიით” შთაგონებულმა, თავის სამშობლოზე - ლენინგრადზე (და არა პეტერბურგზე) შეასრულა სიმღერა.

და აი, ”გეოპოლიტიკური სადღეგრძელოს ჟამიც” ... სადღეგრძელო პუტინმა ნანი ბრეგვაძის რუსული სიმღერის შემდეგ წარმოთქვა და თითქოს კარგად დადგმული სცენარით, ოდას ჰიმნი მოჰყვა - მქუხარე ტაშის ფონზე, ქალბატონმა ნანიმ ”თბილისო” დაამღერა.

”თბილისოს” დამთავრებისთანავე პუტინმა საღამო დატოვა, როგორც ამბობენ, ძალიან კმაყოფილი გამომეტყველებით და გასვლისას კიდევ ერთხელ გადაავლო თვალი ტელეფონებს ჩაფრენილ სტუმრებს, რომელთა უმრავლესობა თბილსში რეკავდა. ამის შემდეგ საღამო გაფერმკრთალდა და სტუმრებმაც დაშლა იწყეს.

პირველი ეფექტი დარბაზისათვის მაინც აღფრთოვანება იყო. გათვლა, რომ ”ისინი თვითონ გაიტანდნენ”, სრულად ასრულდა. სტუმარი-რომანტიკოსების დაშოშმინებას ამაოდ ცდილობდენენ სტუმარი-სკეპტიკოსები: ”მარიონეტებს რას ეტყვის”, - ასეთი იყო მათი არგუმენტი.

მიუხედავად ამისა, მალემრწმენებმა და მით უფრო აპოლიტიკურმა სტუმრებმა, ის მოისმინეს, რისი მოსმენაც სურდათ. იყო ასეთი ინტერპრეტაციაც, - ”რასაც ჩვენად ვთვლით, ჩვენი იქნება, თქვენ კი თუ ჭკუით მოიქცევით, ჩემგან კეთიგანწყობისა და მოწყალების იმედი შეიძლება გქონდეთ მომავალში”.


ასეა თუ ისე, ”პუტინის სადღეგრძელო” აშკარად დაკონკრეტებას საჭიროებს ავტორისაგან. სავარაუდოდ ამას ქართველი პოლიტიკოსები და მედია დამოუკიდებლად ვერ მიაღწევს. თუმცა არაა გამორიცხული, უახლოეს საჯარო გამოსვლაში, თუნდაც ”ერთიანი რუსეთის” პარტიულ ყრილობაზე, პუტინმა საქართველოს თემა თვითონვე განავრცოს, ამჯერად ფხიზელ გონებაზე.

[გოჩა ჯელია]

ღორის გრიპი წარმოადგენს სასუნთქი სისტემის მწვავე კონტაგიოზურ ინფექციურ დაავადებას, რომელსაც იწვევს გრიპის ერთ-ერთი გამომწვევი. დაავადება ხასიათდება ავადობის მაღალი და სიკვდილიანობის შედარებით დაბალი მაჩვენებლით (1-4 %). ვირუსი ღორებს შორის ვრცელდება ჰაერ-წვეთოვანი გზით, პირდაპირი და არაპირდაპირი კონტაქტით, ვირუსის მტარებელი ღორების მიერ. დაავადების გავრცელება ღორებს შორის მიმდინარეობს მთელი წლის განმავლობაში, განსაკუთრებით ზამთრის პერიოდში. ბევრ ქვეყანაში ღორებს უტარებენ ღორის გრიპის საწინააღმდეგო აცრებს.
ღორის გრიპის გამომწვევს წარმოადგენს H1N1 ქვეტიპის ვირუსი, თუმცა იმავდროულად ღორის ორგანიზმში ცირკულირებს ვირუსის სხვა ქვეტიპებიც (მაგ: H1N2, H3N1, H3N2). ღორები შეიძლება დასნებოვნებული იყვნენ ფრინველის ან ადამიანის სეზონური გრიპის გამომწვევი სხვა ვირუსებით.. ვინაიდან ღორის ორგანიზმში ხშირად ერთდროულად არსებობს სხვადასხვა ტიპის ვირუსი, ხდება მათი გენების “შერევა” და წარმოიქმნება ე.წ “რეასსორტანტ" ვირუსი. როგორც წესი, ღორის ვირუსი ვრცელდება მხოლოდ ღორებს შორის, თუმცა ხანდახან ხდება ვირუსის გავრცელება ადამინზე.

რა გავლენას ახდენს “ღორის გრიპი” ადამიანის ჯანმრთელობაზე?
აღნიშნულია ადამიანთა შორის ღორის გრიპის, როგორც სპორადული შემთხვევები, ისე აფეთქებები .

ჩვეულებრივ. დაავადების კლინიკური ნიშნები/სიმპტომები იგივეა, რაც ადამიანის საერთოდ გრიპის დროს, თუმცა სხვადასხვა დაავადების მიმდინარეობა შეიძლება ვარირებდეს, უსიმპტომოდ მიმდინარე გრიპიდან მძიმე პნევმონიამდე, რომელიც ხშირად ლეტალობით მთავრდება. ზოგადად, ღორის გრიპი მიმდინარეობს, როგორც სეზონური გრიპი ან სასუნთქი გზების სხვა მწვავე ინფექციები და ახასიათებს შემდეგი ნიშნები: ზოგადი სისუსტე, ტემპერატურის მომატება, თავის და ყელის ტკივილი, ხველება, გამონადენი ცხვირიდან. ხშირად აღინიშნება ღებინება და დიარეა.
მსუბუქი და უსიმპტომო შემთხვევები ხშირად რჩებოდა ყურადღების გარეშე და ამიტომ დაავადების ადამიანებს შორის გავრცელების მასშტაბზე ზუსტი ცნობები არ არსებობს.

როგორ ხდება ადამიანების დასნებოვნება?
ჩვეულებრივ, ეპიდემიის დასაწყისში ადამიანები ღორის გრიპით ავადდებიან დაინფიცირებული ღორების მეშვეობით, თუმცა ზოგ შემთხვევაში დაავადებულები არ აფიქსირებდნენ ღორებთან ან სხვა ცხოველებთან კონტაქტში ყოფნას.

უსაფრთხოა ღორის ხორცის ან ღორის პროდუქტების საკვებად გამოყენება ?
დიახ. ადამიანებში გრიპის გავრცელება ჯეროვნად მომზადებული და თერმულად დამუშავებული ღორის პროდუქტების მიღების შედეგად არ გამოვლენილა, ვინაიდან 160°F/70°ჩ –ზე და საკვების მომზადების სხვა წესების დაცვის შემთხვევაში ვირუსი კვდება.

რომელ ქვეყნებში გამოვლინდა “ღორის ვირუსის” აფეთქება?
ღორის გრიპი არ არის რეგისტრირებული ცხოველთა დაცვის საერთაშორისო სტრუქტურებში. (OIE, წწწ.ოიე.ინტ), აქედან გამომდინარე ცხოველებში ვირუსის გავრცელების შესახებ საერთაშორისო დონეზე ცნობები არ მოიპოვება. დაავადება აშშ-ში მოიაზრება, როგორც ენდემური. ასევე ცნობილია დაავადების გამოვლენის შესახებ ჩრდილოეთ ამერიკაში, სამხრეთ ამერიკაში, ევროპაში (ესპანეთი, დიდი ბრიტანეთი, შვეცია, იტალია), აფრიკაში (კენია) და აღმოსავლეთ აზიაში, მათ შორის ჩინეთსა და იაპონიაში.

არის თუ არა პანდემიის რისკი?
მტკიცდება, რომ ადამიანების უმრავლესობას არ გააჩნია იმუნიტეტი ღორის გრიპის ვირუსის მიმართ. ვირუსის გადასვლა ადამიანიდან ადამიანზე, შეიძლება გახდეს პანდემიის მიზეზი. პანდემიის წინასწარ განჭვრეტა მეტად რთულია, რადგან დამოკიდებულია ბევრ ფაქტორზე.-ვირუსის ვირულენტობაზე, ადამიანის იმუნიტეტზე, ჯვარედინი დაცვის მექანიზმებზე, რაც ხორციელდება იმ ანტისხეულების მეშვეობით, რომლებსაც ადამიანის ორგანიზმის იმუნური სისტემა გამოიმუშავებს სეზონური გრიპის წინააღმდეგ.

არსებობს გრიპის საწინააღმდეგო ვაქცინა ადამიანებისთვის?
ღორის გრიპის საწინააღმდეგო ვაქცინა ჯერ-ჯერობით არ არსებობს ამიტომ, ჯანმრთელობის მსოფლიო ორგანიზაცია (ჯანმო) – თვის მნიშვნელოვანია, ხელმისაწვდომი იყოს რაც შეიძლბა მეტი ვირუსი, რათა მოხდეს ღორის გრიპის ვაქცინის შექმნისთვის შესაბამისი ვირუსის შერჩევა. ვაქცინის შემუშავებაზე მუშაობენ გამოცდილი ექსპერტების ჯგუფები. შავარაუდოდ პროცესი 4-6 თვეს გასტანს.

შეაჩერებს A (H1N1) ვაქცინა დაავადების პანდემიას?
ვაქცინა ერთ-ერთი ყველაზე მნიშვნელოვანი და ეფექტური საშუალებაა ადამიანის დაცვისთვის პანდემიისგან. ინფექციისგან დაცვის სხვა ღონისძიებებს წარმოადგენს ვირუსის საწინააღმდეგო პრეპარატების მიღება, დისტანციის და ჰიგიენის წესების დაცვა.


რა სამკურნალო საშუალებები მოიპოვება ? (რა წამლებია ხელმისაწვდომი მკურნალობის მიზნით??)
არსებობს სეზონური გრიპის ვირუსის საწინააღმდეგო რამდენიმე პრეპარატი. ისინი წარმატებით გამოიყენება დაავადების მკურნალობისათვის. ეს სამკუნალო საშუალებები მოიცავს 2 ჯგუფის პრეპარატებს: 1. ადამანტანეს (ამანტადინი და რემანტადინი) და 2. ინფლუენცა ვირუსის ნეიროამინიდაზების ინჰიბიტორები (ოსელტამივირი და ზანამივირი). ღორის გრიპის შემთხვევების დროს, სრული გამოჯანმრთელება შეიზლება მოხეს ყოველგვარი სამედიცინო ჩარევის და ვირუსის საწინააღმდეგო პრეპარატების გარეშე. აშშ-ში ამ ბოლო პერიოდში გამოვლენილი ღორის გრიპის შემთხვევების დროს, გამომწვევები მგრძნობიარენი იყვნენ ოსელატმივირის და ზანამივირის (ოსელატმივირ ანდ ზანამივირ), ხოლო რეზისტენტულები ამანტადინის და რემანტადინის მიმართ (ამანტადინე ანდ რემანტადინე). ინფორმაცია არ არის საკმარისი იმისთვის, რომ შემუშავდეს რეკომენდაციები ანტივირუსული პრეპარატების გამოყენებაზე ღორის გრიპის მკურნალობის მიზნით. კლინიცისტებს გადაწყვეტილებების მიღება უწევთ კლინიკური გამოვლინებებსა და ეპიდემიოლოგიურ კვლევებზე დაყრდნობით.
ღორის გრიპის ვირუსის მიმდინარე აფეთქბეის დროს აშშ-ში და მექსიკაში ეროვნული და ადგილობრივი სტრუქტურები რეკომენდაციას უწევენ ოსელატმივირის და ზანამივირის (ოსელატმივირ ანდ ზანამივირ)-ის გამოყენებას, მათ მიმართ ვირუსის მაღალი მგრძნობელობის გათვალისწინებით.

როგორ დავიცვათ თავი ღორის გრიპისგან?

გრიპის თავიდან აცილებისთვის აუცილებელია შემდეგი წესების დაცვა:

1. პირის დაფარვა ცემინების და ხველების დროს, ნიღბის, ერთჯერადი გამოყენების ქსოვილის, ცხვირსახოცის ან ისეთი ნაჭრის მეშვეობით, რომელიც ადვილად ირეცხება. ვინაიდან ღორის გრიპი ყველაზე მეტად ვრცელდება ჰაერ-წვეთოვანი გზით, საუბრის, ხველების და ცემინების დროს ჰაერში გამოყოფილი წვეთების მეშვეობით. ამავე დროს, ვირუსის გამძლეობა გარემოში საკმაოდ მაღალია და შესაძლებელია მისი გავრცელება ცემინების დროს ან დაბინძურებული ხელებით

2. ხელების ხშირად დაბანა – მნიშვნელოვნად ამცირებს ამ დაავადების გავრცელებას, რომელიც ადამიანიდან ადამიანზე გარდა ჰაერ-წვეთოვანი გზისა, დაბინძურებულ საგნებთან შეხებითაც გადადის.


3. დისტანციის შენარჩუნება –

თავი უნდა ავარიდოთ თავშეყრის ადგილებს,
შევზღუდოთ მოგზაურობა.

4. დაავადებული ადამიანების განცალკევება
დაავადებული უნდა იმყოფებოდეს ცალკე ოთახში
ოჯახის მხოლოდ ერთმა წევრმა უნდა იზრუნოს ავადმყოფზე
სასურველია ავადმყოფს მოუაროს ადამიანმა, რომელმაც ახლო წარსულში იავადმყოფა გრიპის ვირუსით. არ შეიძლება მოვლა დაევალოს ორსულ ქალებს, მოხუცებს, ბავშვებს ან ადამიანებს, რომლებსაც აღენიშნებათ ქრონიკული დაავადებები, როგორიცაა შიდსი ან ტუბერკულოზი.
ავადმყოფმა ისევე, როგორც მომვლელმა, უნდა გამოიყენონ ნიღბები, ასევე ყველა ადამიანმა უნდა ჩაიცვას ნიღაბი დაავადებულთან, თუნდაც ერთი მეტრის დისტანციაზე ყოფნის დროს.
არ შეიძლება ავადმყოფის კბილის ჯაგრისის, პირსახოცის, თეთრეულის, ჭურჭლის და სხვა ნივთების გამოყენება
სასურველია ოთახის ხშირი განიავება
საჭიროა ავადმყოფის ტანსაცმლის, თეთრეულის, ჭურჭლის და სხვა საყოფაცხოვრებო მოხმარების საგნების სპეციალური სარეცხი საშუალებებით ხშირი გარეცხვა
ავადმყოფი უნდა მოერიდოს გარშემომყოფებთან კონტაქტს საბოლოო გამოჯანმრთელებამდე.

2009 წლის 12 ივნისისთვის ჭHO-ს მიერ მოწოდებული მონაცემები:
11 ივნისს, ჭHO მ დაადასტურა პანდემიის გადასვლა მე-6 ფაზაში, რადგან H1N1 ცირკულირებს ადამიანის ორგანიზმში და დაავადება გადაეცემა ადამიანიდან ადამიანს. ამავდროულად დაავადება გავრცელდა 74 ქვეყანაში.
12 ივნისისთვის ვირუსის გამოვლენის 29.669 შემთხვევა დაფიქსირდა. გამოვლენილი შემთხვევებიდან 145 სიკვდილით დამთავრდა.
შემთხვევების უმეტესობა უკავშირდება მოგზაურობას, განსაკუთრებით მოგზაურობას მექსიკასა და აშშ-ში.
ევროპის ქვეყნებში, დაკვირვებებმა აჩვენა, რომ შემთხვევათა უმეტესობა გამოვლინდა 20-29 წლის ახალგაზრდებში, მათშორის პრაქტიკულად ჯანმრთელ ადამიანებსა და ორსულებში.
ჯანდაცვის მსოფლიო ორგანიზაცია (ჯანმო) არ მიიჩნევს აუცილებლად მოგზაურობის აკრძალვას ან საზღვრების დაკეტვას, თუმცა დაავადებულ ადამიანებს ურჩევენ გადადონ მგზავრობა.
სწორად, საკვების მომზადების სათანადო წესების დავით მომზადებული ღორის ხორცი არ ქმნის დაავადების გავრცელების საფრთხეს.
შემუშავებულ და გამოშვებულ იქნა სახელმძღვანელო ექიმებსთვის, თუ როგორ უნდა მოხდეს დაავადების ამოცნობა და მისი მკურნალობა არსებული ვირუსის საწინააღმდეგო მედიკამენტებით.
"ნოვარტის"-მა შექმნა H1N1 ვირუსის საწინააღმდეგო ვაქცინის პირველი პარტია, რომელიც მზადაა პრე-კლინიკური გამოკვლევისთვის.
პირველი ვაქცინა გაყიდვაში გამოვა აგვისტოში

გარკვეული მონაცემები A(H1N1) –ს შესახებ:
აქამდე, გრიპის შემთხვევები გამოვლინდა ახალგაზრდებში-60 წელს ქვემოთ; საშუალო ასაკი – 20 წელი;
შესაძლო მიზეზები:
უმეტესი შემთხვევები გამოვლინდა ახალგაზრდებში, მოგზაურობის შემდეგ;
ასაკოვანი ადამიანების ორგანიზმში შეიძლება იყოს წარსულში გადატანილი ინფექციების დროს გამომუშავებული ანტისხეულები, რომლებიც განაპირობებენ იმუნიტეტის ჩამოყალიბებას;
დაავადება უფრო ხშირად მიმდინარეობს მსუბუქად. (მიზეზები უცნობია)
ღორის გრიპით უფრო ადრე ავადდებიან ახალგაზრდები, ვიდრე ასაკოვანი ადამიანები;
ღორის გრიპის და დამიანის სეზონური გრიპისთვის დამახასიათებელი საერთო ნიშნები:
ქალები და მამაკაცები თანაბრად ავადდებიან;
ინკუბაციური პერიოდი შეადგენს 1-5 დღეს.
დაავადების ნიშნები მსუბუქი და მძიმე შემთხვევების დროს:
მსუბუქი შემთხვევები გამოვლინდება სეზონური გრიპის სიმპტომებით-ტემპერატურის მომატება, ხველება, თავისა და ყელის ტკივილი;
მძიმე შემთხვევების დროს (მექსიკა და აშშ) დაავადება გამოვლინდება პნევმონიის ან სასუნთქი სისტემის სხვა მძიმე დაავადებით.
რამოდენიმე მედიცინის მუშაკს აღმოაჩნდა ღორის გრიპი, თუმცა სად მოხდა მათი დაინფიცირება არ არის დაზუსტებული.
დაავადების გამომწვევი სხვადასხვა შემთხვევბის დროს, ტერიტორიული ადგილმდებარეობის მიუხედავად იყო ერთიდაიგივე, რომელიც ხასიათდებოდა მაღალი მგრძნობელობით ოსელტამივირ და ზანამივირის მიმართ.

იმაზე, თუ რა ფუნქცია აქვს ეთნიკური თანამშრომლობის ფონდს; როგორ მოხვდა იქ და რას ფიქრობს სრულიად საქართველოს კათალიკოს-პატრიარქის, უწმინდესისა და უნეტარესის, ილია მეორეს წინააღმდეგ აგორებულ კამპანიაზე, პრესა.გე სოზარ სუბარს ესაუბრა.

სოზარ სუბარი: ეთნიკური თანამშრომლობის ნებაყოფლობითი ფონდი 5-კაციანია. მისი წევრები წელიწადში ორჯერ იკრიბებიან და გაერო-ს ადამიანის უფლებათა უმაღლეს კომისარს ანგარიშს აბარებენ იმაზე, თუ რა გაკეთდა, რის გაკეთებას აპირებენ, რა თანხებია გამოყოფილი, როგორ უნდა დაიხარჯოს ეს ფული და ა.შ. 2 ტიპის ანგარიშებია - რა კეთდება რეგიონების მიხედვით და რა კეთდება მიმართულბების მიხედვით; მაგალითად, სიღარიბის წინააღმდეგ ბრძოლის, სოციალურ-ეკონომიკური და კულტურული უფლებების, სამოქალაქო და პოლიტიკური უფლებების კუთხით…

პლუს ამას, ცალკეულ ქვეყნებში არსებული ვითარების განხილვა ხდება და შემდეგ ფონდი დასკვნას აქვეყნებს. ანუ, ფონდი ერთგვარ საზოგადოებრივ მონიტორინგს ახორციელებს, რამდენად სწორად მუშაობს ადამიანის უფლებათა უმაღლესი კომისრის ოფისი. ფონდის წევრები როტაციის წესით 3 წელში ერთხელ იცვლებიან და ამაზე, ადამიანის უფლებათა უმაღლესი კომისრის წარდგინებით, გადაწყვეტილებას უშუალოდ გაერო-ს გენერალური მდივანი იღებს.

თქვენ როგორ აღმოჩნდით ამ ფონდში?
- ფონდში 2 ახალი წევრი ვართ - მე და ერთი ქალბატონი, სამხრეთ აფრიკიდან. პირადად ჩემი გამორჩევა როგორ მოხდა, არ ვიცი. რამდენიმე თვის წინ დამიკავშირდნენ და მითხრეს, ვიქნებოდი თუ არა თანახმა ასეთ შემოთავაზებაზე. ამაზე მივუგე, რომ ეს ჩემთვის დიდი პატივია და რომ დიდი სიამოვნებით დავთანხმდებოდი. ერთი კვირის წინ, მოულოდნელად დამირეკეს და მითხრეს, რომ გადაწყვეტილება მიღებულია და რომ ჟენევაში უნდა წავიდე.

როდესაც იქ ვიკითხე, არჩევანის შეჩერება როგორ ხდება,- აღმოჩნდა, რომ თავიდან არსებობდა რაღაც დიდი სია, სხვადასხვა ქვეყნებიდან, რომელიც ბოლოს 5 ადამიანზე დავიდა და როდესაც ეს სია კომისარს შეუტანეს, მან არჩევანი ჩემზე გააკეთა. ახალ კომისართან შენახვედრი ვარ, მაგრამ ახლოს არ ვიცნობ და ამიტომ, მისი არჩევანი ჩემთვის მოულოდნელი იყო.

ფონდში ყოფილი სახალხო დამცველები არიან გაერთიანებულები?
- ამ 5-კაციან ფონდში, ერთადერთი პრაქტიკოსი უფლებადამცველი ვარ; დანარჩენები ადამიანის უფლებათა სამართლის სპეციალისტები, აკადემიური წრეების წარმომადგენლები არიან. გაერო-ში ომბუდსმენების განყოფილება ცალკე არსებობს, რომლის წევრებმა მითხრეს, რომ მათთვისაც დიდი პატივია, ომბუდსმენების სფეროდან, ერთი ადამიანის არჩევა, ამ ფონდში და რომ ეს ომბუდსმენების ინსტიტუტის მაღალ აღიარებაზე მეტყველებს და მით უმეტეს, ეს ძალიან დიდი აღიარებაა, საქართველოს სახალხო დამცველის ინსტიტუტის და მისი გაწეული მუშაობის.

პოლიტიკაში გადასვლის შემდეგ, ისევ მოგმართავენ თუ არა საქართველოს მოქალაქეები, ადამიანის უფლებების დარღვევის ფაქტებზე?
- დიახ, არაერთი ასეთი ფაქტი ხდება. განსაკუთრებით, როცა პოლიციაში, ან ციხეში ვიღაცას სცემენ, მიკავშირდებიან და გადავამისამართებ ხოლმე ახალი სახალხო დამცველის ოფისთან და არაერთი ასეთი ცემის ფაქტი გამოაშკარავდა. მაგალითად, პოლიციელის მკვლელობაში ეჭვმიტანილი რეხვიაშვილის ცემის ფაქტი. დედამისი შემხვდა, მითხრა, რომ მერვე საპყრობილეში მისი შვილი სასტიკად ნაცემი გახლდათ და დახმარება მთხოვა. სახალხო დამცველის ოფისს დავუკავშირდი, მათ შეამოწმეს და აღმოჩნდა, რომ ეს ადამიანი მართლა უსასტიკესად იყო ნაცემი.

რას იტყვით პატრიარქის წინააღმდეგ აგორებულ კამპანიაზე - არის თუ არა ეს თვითონ პატრიარქის და მართლმადიდებლების შეურაცხყოფა? ვგულისხმობ ინტერნეტში განთავსებულ ვიდეორგოლებს და ერთ-ერთ ყოველკვირეულ, დიდტირაჟიან გაზეთში დაბეჭდილ სტატიებს.
- წერილებთან დაკავშირებით ვერაფერს გეტყვით, რადგან არ წამიკითხავს. რაც შეეხება ვიდეორგოლებს, ვნახე ”კავკასიას” ეთერში, ნანა ლეჟავას მიერ გაკეთებული ჟურნალისტურ გამოძიებაში, სადაც რაღაცეები გაცენზურებული იყო, სავსებით სწორად და სამართლიანად, მაგრამ თვითონ იქიდან რაც დავინახე, არანაირად არ ჯდება გამოხატვის თავისუფლებაში - ეს არ არის გამოხატვის თავისუფლება, ეს არის უხამსობა და რელიგიური შეურაცხყოფა.

უხამსობა და საზოგადოებრივი მორალი - ეს არის ის საზღვარი, რომელიც გამოხატვის თავისუფლებას აქვს. ეს აღიარებულია ადამიანის უფლებათა ევროპული სასამართლოს მიერ და ასევე, ყველა დემოკრატიული სასამართლოს მიერ. აშშ-ს უზენაესი სასამართლოს ერთ-ერთ მოსამართლეს ნათქვამი აქვს, რომ ”ძალიან ძნელი, თითქმის შეუძლებელია უხამსობის განსაზღვრება გააკეთო, მაგრამ მე ვიცი უხამსობა, როდესაც ვხედავ მას”. ანუ, უხამსობა ყოველთვის პრაქტიკაში ვლინდება.

როდესაც მე კლიპები ვნახე, ჩემთვის ეს ნამდვილად უხამსობა იყო, ამას სხვა ახსნას ვერ მივცემ. შესაბამისად, ეს არ არის გამოხატვის თავისუფლებით დაცული სფერო. ოპონენტებმა შეიძლება თქვან, რომ ”არის ქვეყნები, სადაც მსგავსი რამეები ხდება და მიღებულია და საქართველოში რატომ არ უნდა იყოს იგივე”. ეს არ არის სწორი ანალოგია, რადგან იგივე აშშ-ს უზენაეს სასამართლოს აქვს ნათქვამი, რომ ზოგადად საზოგადოებრივი მორალი და ის, თუ რა არის უხამსობა, ძალიან განსხვავებული შეიძლება იყოს, არა თუ სხვადასხვა ქვეყნებს შორის, არამედ ერთ ქვეყანაშიც კი და იქ პირდაპირ წერია, რომ რაც შეიძლება არ იყოს უხამსობა ნიუ იორკში, ის უხამსობა იქნება და შესაბამისად, ერთგვარ დასჯას დაექვემდებარება, რომელიმე სხვა, უფრო კონსერვატიულ შტატში.

ადამიანის უფლებათა ევროპულმა სასამართლომ, ერთ-ერთ საქმეზე, ”ენდი საიდი ინგლისის წინააღმდეგ”, ინგლისის სასამართლოს მიერ მიღებული გადაწყვეტილება, რომელიც უხამსობას კრძალავდა, გაამართლა. იმ საქმეში წიგნების ამოღებაზე იყო ლაპარაკი, რომელიც გავრცელდა უელსში, შოტლანდიაში, ჩრდილო ირლანდიაში, რომელიც ასევე ბრიტანეთის შემადგენელი ნაწილია და იქ არ აუკრძალიათ, მაგრამ, შოტლანდიელებს შეუძლიათ უხამსობის განსხვავებული ხედვა ჰქონდეთ და ინგლისელებს განსხვავებული და სახელმწიფოს უფლება აქვს, ამ შემთხვევაში აკრძალვა დააწესოს.

ასე რომ სახელმწიფოს ნამდვილად აქვს უფლება, ასეთ შემთხვევაში ჩაერიოს, მაგრამ ჩვენი კანონდებლობა ისეთი მკაცრი არ არის, როგორც ძალიან ბევრი ევროპული ქვეყნის, მაგრამ თვითონ უხამსობაც არ არის არანაირად დაცული.

დღეს, საერთაშორისო უფლებათადამცეველები (გაერო-ში ყოფნისას ამაზე იყო ლაპარაკი) ძალიან აქტიურად განიხილავენ, აი, ამ ახალ ფენომენს, რასაც ჰქვია რელიგიური შეურაცხყოფა და მიდიან იქითკენ, რომ ეს არ არის გამოხატვის თავისუფლებით დაცული სფერო და აქ ძალიან ფრთხილად უნდა ვიყოთ. ის, თუ რა შეიძლება ჩაითვალოს რელიგიურ შეურაცხყოფად, უპირველესად გამომდინარეობს თვითონ იმ რელიგიის ბუნებიდან და იმ რელიგიის მიმდევართა მიდგომიდან, რომელსაც ეს საქმე ეხება.

როგორ ფიქრობთ, ურევია თუ არა ხელისუფლების ხელი, პატრიარქის წინააღმდეგ აგორებულ კამპანიაში?
- ცხადია რომ ეს არის კამპანია. ხელისუფლებას ზოგადად არ მოსწონს არავინ, ვინც კი შეიძლება ქვეყანაში იყოს ავტორიტეტული და მით უმეტეს, პატრიარქი, რომელსაც უზარმაზარი ავტორიტეტი გააჩნია. პატრიარქის წინააღმდეგ ასეთი კამპანიის აგორება, გამოიწვია განცხადებამ, რომელიც პატრიარქმა მასწავლებელთა პროფკავშირთან შეხვედრაზე გააკეთა.

პირადად ჩემთვის და დარწმუნებული ვარ, საქართველოს მოქალაქეების აბსოლუტური უმრავლესობისთვის, ეს არის სწორი განცხადება, რადგან როცა შეიძლება თავი აარიდო ომს (და მით უმეტეს, წინასწარ წაგებულს), ხელისუფლებამ მაქსიმუმი უნდა გააკეთოს და ხელისუფლება, რომელიც ამას ვერ შეძლებს, ის ძალიან ცუდი ხელისუფლებაა. ჩემს ენაზე რომ გადმოვიტანო, ეს იყო პატრიარქის განცხადებაში ნათქვამი და ბუნებრივია, ეს არ მოეწონებოდა, არც თეა თუთბერიძეს და არც იმ ადამიანებს, რომლებიც ვანო მერაბიშვილის ფანკლუბში არიან დარეგისტრირებულები, იმავე ”ფეისბუქზე”.

რამდენად გამართლებულად მიგაჩნიათ, სისხლის სამართლებრივი დევნის დაწყება, ვიდეორგოლების ავტორების წინააღმდეგ?
- ამის გაკეთება გამართლებულად არ მიმაჩნია. ყოველ შემთხვევაში, საქართველოს კანონმდებლობა ამის გაკეთების საშუალებას არ იძლევა, მაგრამ, თუ კი ამას გააკეთებენ, მაშინ ძალიან მინდა იგივე სტანდარტი გავრცელდეს პრეზიდენტზეც - როდესაც პრეზიდენტი უწოდებს ჩარეცხილებს, ქართული საზოგადოების ერთ ნაწილს, ან როდესაც პრეზიდენტი კონკრეტულ მოქალაქეებს ადარებს პირველყოფილ ადამიანებს - მზიას და ზეზვას. ესეც ისეთივე შეურაცხყოფაა, მით უმეტეს, რომ პრეზიდენტისგან მოდის. კარგი იქნება პროკურატურა პრეზიდენტის წინააღმდეგაც თუ დაიწყებს გამოძიებას.

“შურობუმუ” - ასე ჰქვია გაზეთს, რომელიც რამდენიმე კვირის წინ განათლების ცენტრმა - “კოლხიდა”გამოსცა. სიმართალე გითხრათ, სამეგრელოში მსგავსი განათლების ცენტრი თუ არსებობდა, ნამდვილად არავინ იცოდა, მაგრამ მას შემდეგ, რაც ზემოხსენებული გაზეთი მთელ სამეგრელოში გავრცელდა, დავვინტერესდი და გამოცემის შინაარსს გავეცანი. როგორც გაირკვა, გაზეთი მეგრულენოვანია და მისი გამომცემლების ძირითადი მიზანია, მეგრულ და სვანურ ენებს მიანიჭოს რეგიონალური ენის სტატუსი.

ერთი წლის წინანდელი მკვეთრი ვარდნის მიუხედავად, ქართული ლარი, სხვა პოსტსაბჭოურ ვალუტებთან შედარებით, მართლაც საამაყოდ გამოიყურება. ალიევების მანათის შემდეგ, ლარი ყველაზე მყარია. დსთ-ში გაუფასურების ლიდერი ტაჯიკეთია, თუმცა ყველაზე შავი პერსპექტივა უკრაინულ გრივნას აქვს.

ზუგდიდის საკნების აქციის დასრულების შემდეგ ”პროტესტანტებისთვის“ პოლიციის მხრიდან დევნა-თვალთვალის გაგრძელება მოულოდნელი ”ღონისძიება“ არ ყოფილა. ექვსთვიანი შანტაჟის, ფიზიკური ძალადობისა თუ ზეწოლის გამოხატვის ”ნაირსახეობებს“ აქციის მონაწილეებმა მედგრად გაუძლეს, მაგრამ, ის რაც საკნების ”შეჩერებას“ და ზუგდიდის რაიონის სოფლებში პირველ გასვლას მოჰყვა, მათ ახალი ”თავგანწირვისთვის“ უდავოდ ამზადებს.

”დაიცავი საქართველოს“ ლიდერის, ლევან გაჩეჩილაძისა და აქციის მონაწილეების ერთობლივ გადაწყვეტილებას საკნების აქციის თუნდაც დროებით შეჩერების შესახებ, რეგიონში მხარდამჭერების გააქტიურება და საზოგადოებრივ მოძრაობაში გაწევრიანება უნდა მოჰყოლოდა.

ასე მოხდა კიდეც. ”დაიცავი საქართველოს“ წარმომადგენლებს სოფელ ტყაიაში, სადაც პირველი შეხვედრა დაიგეგმა, სოფლის კლუბში 40-მდე მხარდამჭერი, ორღობეებში დამალული პოლიციის ჯგუფები და მათ მიერ დაშინებული, სახლებში შეყუჟული მოსახლეობა დახვდა.

ის, რომელმაც გაბედა და ხელისუფლებისა თუ ძალოვანების მუქარას არ შეუშინდა, ”დაიცავი საქართველოსთან“ სოფლისა და მისი მაცხოვრებლების პრობლემებზე დაუფარავად საუბრობდა.

ტყაიელი ედემ კეკუტია საზოგადოებრივი მოძრაობის წევრებთან იმ გასაჭირზე საუბრობდა, რომელიც მოსახლეობას წლების განმავლობაში აწუხებს და რომელიც ხელისუფლებას მხოლოდ არჩევნების წინ ახსენდება. ახსენდება, პირობასაც დებს ხალხის წინაშე, მაგრამ მუდმივ დაპირებად რჩება.

არარსებული სოფლის ამბულატორია, გაუვალი გზები, შემოუღობავი სასაფლაო, დანგრეული სკოლის შენობა და ელექტროენერგიის საფასურის გადახდასთან დაკავშირებული პრობლემები- ეს არის ის, რითიც სოფელი ცხოვრობს.

ედემ კვირტია: - ”არჩევნების წინ ზუგდიდის მაჟორიტარი დეპუტატობის კანდიდატი, ფრიდონ თოდუა დაგვპირდა, რომ სოფელს სამედიცინო ამბულატორია და სასწრაფო დახმარების მანქანა ექნებოდა, ექიმიც ეყოლებოდა... გზის საფარსაც ასფალტი დაეგებოდა, ბავშვები თბილ ოთახებში ისწავლიდნენ და ჩვენი წინაპრების საფლავებს არაფერი წაბილწავდა, მაგრამ თოდუა პარლამენტში წამოიჭიმა, გუბერნატორი გოროზია და გამგებელი ქობალია კი სავარძლებში ღრმა ძილს მიეცნენ და საზღვრისპირა სოფლის პრობლემები ძილბურანშიც აღარ ახსენდებათ“.

გულად მიქავა: - ”შეუძლებელი გახდა ”ენერგოპროჯორჯიასთან“ პრობლემის მოგვარება. ჯერ კიდევ კომუნალური მრიცხველები გვაქვს, როგორც სხვა ყველა დანარჩენ სოფელში. ამიტომაც, გახარჯული ელექტროენერგიის საფასურის გადახდისას მუდმივ დაპირისპირებას ვაწყდებით. თუ სოფელში 4-მა ოჯახმა ვერ გადაიხადა, დანარჩენებმა რა ქნან? ამის გამო ყველა ბნელში უნდა ვიყოთ.

თან ვიღაც იპარავს დენს, საერთო მრიცხველზე კი ფიქსირდება და ყოველთვიურად ოჯახები თითქმის 12 ლარს ვამატებთ გადასახადს, იმას რაც არ მოგვიხმარია. ერთი დღითაც რომ გადაგიცდეს გადახდა, ჩაგიჭრიან და მერე ჯარიმის ფულიც უნდა იხადო. სხვა თუ არაფერი მეზობელი მეზობელს გადაკიდეს“.

”დაიცავი საქართველოს“ წევრებმა მოსახლეობას, ხელისუფლებასა და ”ენერგოპროჯორჯიას“ შორის შუამავლის როლი იკისრეს. იმ შემთხვევაში, თუ ოფიციალური მიმართვის შემდეგ ცნობილი არ გახდება ის ვალდებულებები, რაც სახელმწიფოსგან მიყიდვის დროს ”ენერგოპროჯორჯიამ“ საკუთარ თავზე აიღო და სოფლებში ინდივიდუალური მრიცხველები არ დამონტაჟდება, არ არის გამორიცხული, რომ ტყაიას მცხოვრებლების მოთხოვნებს სხვა სოფლების მოსახლეობაც შეუერთდეს და საპროტესტო აქციების ტალღა აგორდეს.

მძიმე სოციალურ პრობლემებთან ერთად ტყაიელები უფრო მნიშვნელოვანი პრობლემის წინაშეც დგანან. რუსულ ბლოკპოსტთან მათ მხოლოდ 800 მეტრი აშორებს. სიცოცხლის დაცვაზე ფიქრი სოფლის მაცხოვრებლების მთავარი საზრუნავია.

- ”მიხეილ სააკაშვილს ჰგონია, რომ საფრთხე მხოლოდ განმუხურში არსებობს და მდინარე ენგურის სანაპირო სხვაგან დაცულია. გზის გაყვანაზე მხოლოდ იქ იზრუნა, თუმცა ალბათ შავი ზღვის სივრცით უფრო მოიხიბლა, რადგან გვეუბნებიან, რომ იქ შესანიშნავად ერთობა. იქნებ ჩვენსკენაც გამოისეირნოს თავისი ამალით და ცივ ენგურში ჩაყვინთოს...“- ამბობენ ტყაიელები.

მოსახლეობის აქტიურობისა და შიშის დაძლევის იმედი აქვს საკნის ყოფილ ”პატიმარს“, კახა მიქაიას.
- ”თუ ადრე ხალხი ერიდებოდა ასეთ შეხვედრებს, ახლა მოდის, უყურებს აკრძალულ ვიდეოებს და გაკვირვებულია იმით რაც აქამდე არცერთი ქართული ტელევიზიით არ უნახავს. უკვე ხალხის განწყობის შეცვლა შეინიშნება, შიში ტყდება და ისინი გამოდიან იმ ბურანიდან, რომელიც მათ ხელისუფლებამ შეუქმნა.

ჩვენი მიზანია დავანახოთ საკუთარ თანამოქალაქეებს ის რეალური სურათი, რომელიც ქვეყანაშია შექმნილი და განსაკუთრებით სამეგრელოში, სადაც ყველაზე ძლიერია პოლიციური რეჟიმი. დარწმუნებული ვარ, რომ სამეგრელო გახდება ფუნდამენტი იმ მოძრაობისა, რომელსაც დღეს ”დაიცავი საქართველო“ იწყებს და რომელიც სააკაშვილის რეჟიმის კრახით დასრულდება“,- აცხადებს მიქაია.

შეხვედრის დასრულების შემდეგ ”დაიცავი საქართველოს“ რიგებში 28 ტყაიელი გაერთიანდა. ერთ-ერთი, ედემ კვირტია ”პრესა. გე“-ს გამოუტყდა იმაში, რომ ლევან გაჩეჩილაძის ზუგდიდში ბოლო ვიზიტის დროს საკნებთან მისულ ადამიანებს შს სამინისტროს თანამშრომლებმა ფოტოები მალულად გადაუღეს და შემდეგ მათი შანტაჟი დაიწყეს.

როგორც შევიტყვეთ, კვირტია პირველი ”ობიექტი“ მის მეუღლესთან ერთად გამხდარა. ფოტოების არსებობის შესახებ ედემ კვირტიამ ზუგდიდის პოლიციის სამმართველოს ზედაეწერის ქვეგანყოფილებაში მაშინ გაიგო, როცა მის უფროსს, მალხაზ ღვინჯილიას პოლიციის მანქანიდან მისი მისამართით მუშტის მოღერების მიზეზებზე პასუხი მოსთხოვა.

ჰოდა, ღვინჯილიამაც მაგიდაზე ის ფოტოები გაუშალა, რომელიც საკნის ”პატიმრებთან“ და ლევან გაჩეჩილაძესთან ახლოს იყო გადაღებული და რომელიც კვირტიას ”დანაშაულს“ სხვადასხვა ”რაკურსით“ ასახავდა...

”პრესა.გე“-მ ისიც შეიტყო, რომ პოლიციის უფროსი, ოროსანი ღვინჯილია ”დაიცავი საქართველოს“ წევრების, ხუთოსანი კახა მიქაიასა და ალიკა გეთიას კლასელი იყო...

[ნანა ფაჟავა, ზუგდიდი]