საქართველოში ლაბორატორიულად დადასტურებული H1N1 ვირუსის კიდევ 27 ახალი შემთხვევა გამოვლინდა. როგორც "სი–ეიც–ენს" დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ შოთა ცანავამ განუცხადა, გამოვლენილი შემთხვევებიდან 2 ჰოსპიტალიზირებულია. მათ ვირუსის საშუალო სიმძიმის ფორმა აქვთ და მკურნალობა ინფექციური პათოლოგიისა ცენტრში უტარდებათ. პაციენტების მდგომარეობა დამაკმაყოფილებელია.
მისივე თქმით, ახლადგამოვლენილი შემთხვევებიდან ყველაზე მეტი 15-დან 29 წლის ასაკობრივ ჯგუფზე მოდის. სულ ამ ასაკობრივ ჯგუფში ვირუსით ინფიცირების 78 შემთხვევა დაფიქსირდა.
ამასთან, ახალი შემთხვევებიდან 7 აჭარის რეგიონზე მოდის, დანარჩენი 20 კი თბილისზე.
სულ საქართველოში ოფიციალურად 147 შემთხვევაა რეგისტრირებული.
