გალის რაიონის დაბალ ზონაში სიტუაცია დღითიდღე იძაბება. თუმცა მანამდეც სახარბიელოს ვერ ვუწოდებდით, მაგრამ გასული “ცნობილი აგვისტოს მოვლენების” შემდეგ, უფრო დაიძაბა. დეფაქტო მთავრობამ საქართველოსთან საზღვრები ერთი-ორად გაამაგრა და რუსულ-ქართული სამხედრო შენაერთების გადაადგილებამ აქტიური ხასიათი მიიღო. თუ ქართული მხარე ამ დღესთან დაკავშირებით კულტურულ ღონისძიებებს გეგმავს, აფხაზეთის მთავრობა ახალ საჯარისო შენაერთს ქმნის უახლესი ტექნიკით და შეიარეღებით აღჭურვილს. ამჟამად გალის რაიონის სოფელ ფიჩორში მცხოვრები ნუგზარ ჩიტაიამ “სი-ეიჩ-ენი”-სთვის გაკეთებულ ინტერვიუში აცხადებს, რომ მათ არ დაუკარგავთ საკუთარი ქვეყნის რწმენა, მაგრამ აგვისტოს მოვლენების შემდეგ აფხაზეთის დაბრუნების იმედი დაკარგეს. რუსეთის მონობას უკვე ვეღარ აცდებიან. სეპარატისტთა ლიდერმა სერგეი ბაღაბშმა გამართა პრესკომფერენცია და ოფიციალურად განაცხადა, რომ დაბალ ზონაში შეიყვანს დამატებით სამხედრო ძალას და საზღვარს საქართველოსთან უფრო გაამაგრებს. დაიბლოკება ასევე ზუგდიდთან გადასასვლელი ყველა გზა. 6 აგვისტოს დღის მეორე ნახევარში აქ რუსული სპეცნაზი შემოიყვანეს, რომლებიც განმუხური-ფიჩორის საზღვარზე მდებარე ბაზაზე განლაგდნენ. აღსანიშნავია ასევე ის ფაქტი, რომ აღნიშნულ ბაზაში მომსახურე პერსონალს წერილები და დეპეშები შემდეგ მისამართზე მოსდით “კრასნოდარის ოლქი სოფელი ფიჩორი”.გიორგი ცქვიტარია.
