"სი–ეიჩ–ენი"

8 აგვისტოს ცნობილ მოვლენებთან დაკავშირებით საქართველოს ყველა მოქმედ ტაძარში წირვა-ლოცვა აღევლინა, რითაც პატივი მიაგეს იმ ადამიანების ხსოვნას, რომლებიც ამ ომს შეეწირა. დღეს ზუგდიდის ვლაქერნის ღვთისმშობლის ეკლესიაში მამა მალხაზ ჭანტურიამ პანაშვიდი გადაიხადა. ამ და სხვა კულტურულ ღონისძიებებს საინფორმაციო სააგენტო სი-ეიჩ-ენიც შეუერთდა. სააგენტოს რედაქციის თანამშრომლებმა სამშობლოსთვის თავდადებულ გმირებს სანთლები დაუნთეს და წუთიერი დუმილით პატივი მიაგეს მათ ნათელ ხსოვნას. ჩვენი რედაქცია გულრწრფელად უთანაგრძნობს ყველა დაღუპულის ოჯახს. მართალია საქართველო პატარა ქვეყანაა, მაგრამ აქ დიდი სულის პატრონი ქართველები ცხოვრობენ, რომლებიც უცხო დამპყრობლისგან მონობას არასოდეს არ აიტანენ და სამშობლოს თავისუფლებისა და ერთიანობისათვის საკუთარ სიცოცხლეს სამსხვერპლოზე ზვარაკად მიიტანენ.

რედაქცია