„აფხაზეთში და სამაჩაბლოში, სადაც დღეის მდგომარეობით საქართველოს იურისდიქცია არ ვრცელდება, მშვიდობისმყოფელები მთელი ძალისხმევით სამხედრო ბაზების მშენებლობას აწარმოებენ. ამისთვის რუსეთის ბიუჯეტიდან სოლიდური თანხებია გამოყოფილი“ – ეს განცხადება დე–ფაქტო აფხაზეთის სახალხო კრების საპარლამენტო და საგარეო კავშირების კომიტეტის თავჯდომარემ გურამ გუმბამ ნატოს საპარლამენტო ასამბლიის რეზოლუციის განხილვის დროს გააკეთა.
„კავკასიაში მშვიდობას სწორედ რუსეთის ჯარი ინარჩუნებს, რომლებმაც ჩვენი ქვეყნის ჯარისკაცებს უნდა ასწავლონ სახელმწიფო საზღვარების დაცვა – ამისთვის აუცილებელია შესაბამისი სამზედრო ბაზები, მშენებლობაში ჩვენი მეგობარი რუსეთი აქტიურ დახმარებას გვიწევს.’’ – ამბობს გუმბა.
დეპუტატმა ასევე აღნიშნა, რომ ,,რეგიონიდან რუსეთის ჯარების გაყვანა საქართველოს მხრიდან ახალი აგრესიის განხორციელებას ხელს შეუწყობს.“
აფხაზეთის არაღიარებული მთავრობა რომ ცდება ამას ადგილობრივი მოსახლეობაც ამტკიცებს. ისინი ამბობენ, რომ რუსები მხოლოდ სამხედრო, საწვრთნელ ბაზებს არ აშენებენ, ჯარისკაცთა ოჯახის წევრებისთვის მრვალსართულიანი სამოსახლო ნაგებობებიც უკვე წამოიჭიმა.
როდესაც ადგილობრივ მოსახლეობას მივმართეთ კითხვით: – რამდენად ინარჩუნებენ რუსი „სამშვიდობოები“ მშვიდობას ოკუპირებულ ტერიტორიაზე? პასუხად მივიღეთ:
„18 წელია რაც მშვიდობა დავკარგეთ, მას შემდგომ ვცხოვრობთ სრულ ჯოჯოხეთში, რუსი ჯარისკაცები არათუ მშვიდობას იცავენ, არამედ გვაწიოკებენ. მათი აქ ყოფნა ძალინ ძვირი გვიჯდება. გვაიძულებენ რუსი სამხედროები სურსათ და ტანსაცმლით მოვამარაგოთ. ისინი ჩვენ ხარჯზე მცხოვრები პარაზიტები არიან და არ ვიცი კიდე რამდენი ხანი გავუძლებთ ყოველივე ამას.“
აღსანიშნავია ისიც, რომ ახლო წარსულში რუსეთის დუმაში, ადგილობრივმა ოპოზიციონერებმა გააპროტესტეს ის ხარჯები რაც სახელმწიფომ შესწირა ამ „უაზრო“ – თავმოსაწონებლად აშენებულ ბაზებს.
ყოველივე ამაზე საქართველოს მხარეს ძალიან ირონიული კომენტარი აქვს „რუსებს ყველაფერი დასატოვებელი და გასაქცევი ექნებათ, ხოდა აშენონ, ჩვენ რა?!“
თუმცა ყველასათვის ცნობილია, რომ ეს პროცესი კიდევ უფრო აფერხებს საქართველოს გამთლიანებას, ოკუპირებული ტერიტორიები ხომ ჯერ კიდევ საქართველოს საზღვარს მიღმა რჩება.
ავტორი: სოფო პაპასკირი
გაზიარება